سەناتور رۋسلان رۇستەموۆ اتوم ەلەكتر ستانسيالارىنىڭ قۇرىلىسى ەلىمىزدىڭ ەنەرگەتيكالىق بولاشاعى ءۇشىن ماڭىزدى قادام ەكەنىن اتاپ ءوتتى. ونىڭ پىكىرىنشە، اەس تەك ەنەرگيا كوزىن قامتاماسىز ەتىپ قانا قويماي، ەكونوميكانى دامىتۋدىڭ نەگىزگى درايۆەرىنە اينالۋى مۇمكىن.
«اتوم ەلەكتر ستانسيالارىنىڭ قۇرىلىسى جاڭا جۇمىس ورىندارىن اشۋعا، زاماناۋي تەحنولوگيالاردى ەنگىزۋگە جانە ەلىمىزدىڭ تۇراقتى ەنەرگەتيكالىق بولاشاعىن قامتاماسىز ەتۋگە سەپتىگىن تيگىزەدى. بۇل ەكونوميكانى نىعايتىپ قانا قويماي، ەلەكتر قۋاتىنىڭ تاپشىلىعىن شەشۋدىڭ ءبىر جولى بولماق»، – دەيدى رۋسلان رۇستەموۆ.
سونىمەن قاتار، ول اەس-تىڭ ەلىمىز ءۇشىن ەكولوگيالىق تازا جانە ۇزاق مەرزىمدى سەنىمدى ەنەرگيا كوزى ەكەنىن دە ەرەكشە اتاپ ءوتتى.
«قازاقستاننىڭ العا قويعان ماقساتتارىنا قول جەتكىزۋ ءۇشىن اتوم ەنەرگەتيكاسى ستراتەگيالىق قادام بولادى، بۇل ءبىزدىڭ ەلدىڭ تۇراقتى دامۋىنا ۇلكەن ۇلەس قوسادى»، – دەپ قورىتىندىلادى سەناتور.