عىلىم جانە جوعارى ءبىلىم مينيسترلىگى جىل سايىنعى «ۇزدىك عىلىمي قىزمەتكەر» سىيلىعىنا بايقاۋ جاريالادى.
كونكۋرسقا قاتىسۋعا وتىنىمدەر مينيسترلىكتىڭ اقپاراتتىق جۇيەسى ارقىلى ەلەكتروندى فورماتتا 3 جەلتوقسانعا دەيىن قابىلدانادى، دەپ حابارلايدى Almaty-akshamy.kz
«بايقاۋدىڭ قورىتىندىسى بويىنشا ەلىمىزدىڭ ۇزدىك عالىمدارىنا 50 سىيلىق تاعايىندالادى. 1 سىيلىقتىڭ مولشەرى 2000 ايلىق ەسەپتىك كورسەتكىش، ياعني 6 126 000 تەڭگە بولادى»، - دەپ حابارلادى مينيسترلىك.
ايتا كەتەرى، وتكەن جىلى بايقاۋ جەڭىمپازدارىنا 5 834 000 تەڭگەدەن بەرىلدى. كونكۋرستىڭ ماقساتى – وتاندىق عىلىمنىڭ دامۋىنا ەلەۋلى ۇلەس قوسقان عالىمدار مەن عىلىمي قىزمەتكەرلەردىڭ ەڭبەگىن كوتەرمەلەۋ.