بجزق قازاقستاندىقتاردىڭ زەينەتاقى جيناقتارى تۋرالى اقپارات بەردى.
وعان قوسا قور اي سايىنعى تولەمنىڭ ەڭ جوعارى سوماسىن جاريالادى، دەپ حابارلايدى Almaty-akshamy.kz
قور مالىمەتىنشە، 1 ماۋسىمداعى جاعداي بويىنشا سالىمشىلاردىڭ (الۋشىلاردىڭ) جەكە جانە شارتتى شوتتارىندا 19،2 تريلليون تەڭگە جينالىپ، 5 ايدا 1،4 تريلليون تەڭگەگە (نەمەسە 7،7 پايىزعا) ۇلعايعان. زەينەتاقى جيناقتارىنىڭ جىلدىق ءوسىمى 3،4 تريلليون تەڭگەدەن اسادى (21،5 پايىز).
زەينەتكەرلىك جاسقا تولۋىنا بايلانىستى بجزق-دان تولەنەتىن ورتاشا ايلىق تولەم 33 921 تەڭگەگە، ال ەڭ جوعارى ايلىق تولەم 945 752 تەڭگەگە تەڭ بولعان.
ايتا كەتەيىك، بجزق مامىردا قازاقستانداعى ەڭ جوعارى زەينەتاقىنىڭ مولشەرىن جاريالاعان بولاتىن. ول كەزدە دە ءدال وسىنداي سوما بولعان – 945 752 تەڭگە.