ەلىمىزدىڭ ەلتاڭباسى قوقىستان تابىلدى

كىنالى ادام ىزدەستىرىلۋدە.

وعان 2 000 اەك (6 126 000 تەڭگە نەمەسە 13 027 اقش دوللارى) مولشەرىندە ايىپپۇل سالىنادى نەمەسە 2 جىلعا دەيىن باس بوستاندىعىنان ايىرىلۋى مۇمكىن، دەپ حابارلايدى Almaty-akshamy.kz

پاۆلودار سىرتىندا قۇرىلىس قوقىسى اراسىنان قازاقستاننىڭ ەكى ەلتاڭباسى تابىلدى. ءالى دە ىزدەۋدە جۇرگەن كىنالى ادام ءىرى كولەمدەگى ايىپپۇل تولەۋى نەمەسە 2 جىلعا دەيىن باس بوستاندىعىنان ايىرىلۋى مۇمكىن

پاۆلودارلىق ەكولوگتار حابارلاعانداي، قوقىس ەلەكتروليز زاۋىتىنىڭ سانيتارلىق-قورعاۋ ايماعىندا بولعان. وقيعا ورنىنا جەدەل تەرگەۋ توبى باردى.

«وقيعا ورنىنا جەدەل تەرگەۋ توبى شىقتى. ق ر قك 372-بابى مەملەكەتتىك رامىزدەردى قورلاۋ بويىنشا سوتقا دەيىنگى تەرگەۋ باستالدى. جەدەل ىزدەستىرۋ ءىس-شارالارى جۇرگىزىلىپ جاتىر»، – دەدى وبلىستىق پد باستىعىنىڭ ورىنباسارى جاسقايرات قايىروۆ.

كىنالى ادامعا 2 000 اەك (6 126 000 تەڭگە نەمەسە 13 027 اقش دوللارى) مولشەرىندە ايىپپۇل سالىنۋى مۇمكىن.

سول مولشەردە تۇزەۋ جۇمىستارىنا نە 600 ساعاتقا دەيىنگى مەرزىمگە قوعامدىق جۇمىستارعا تارتۋ جازاسى دا قولدانىلۋى ىقتيمال. بۇل باپ بويىنشا ەكى جىلعا دەيىنگى مەرزىمگە باس بوستاندىعىن شەكتەۋگە نە سول مەرزىمگە باس بوستاندىعىنان ايىرۋ دا قاراستىرىلعان.