وقۋشى اۋرۋحاناعا اۋىر حالدە جەتكىزىلدى.
الماتىدا ساياباقتا دوستارىمەن ويناپ ءجۇرىپ قورشاۋعا ورمەلەگەن بالانى توق سوقتى. ءقازىر ول اۋرۋحانادا جاتىر، دەپ حابارلايدى Almaty-akshamy.kz قازاقپاراتقا سىلتەمە جاساپ.
قالالىق دەنساۋلىق ساقتاۋ باسقارماسىنىڭ مالىمەتىنشە، وقۋشى اۋرۋحاناعا اۋىر حالدە جەتكىزىلدى.
«توققا ءتۇسىپ قالعان 2014 جىلى تۋعان ا. ەسىمدى بالا جەدەل جاردەم بريگاداسىمەن ورتالىق بالالار اۋرۋحاناسىنا جەتكىزىلدى. دارىگەرلەر وقۋشىعا العاشقى كومەك كورسەتىپ، بىردەن كۇيىك بولىمىنە جاتقىزدى. جاعدايى تۇراقتى، ورتاشا اۋىرلىقتا. پروتوكول بويىنشا ەم الىپ جاتىر»، - دەپ حابارلادى دەنساۋلىق ساقتاۋ باسقارماسىنان.
بەلگىلى بولعانىنداي، وقىس وقيعا الاتاۋ اۋدانىندا بولعان. سەگىز جاسار بالا جابدىقتالماعان ساياباقتا دوستارىمەن ويناپ ءجۇرىپ قورشاۋعا ورمەلەگەن كەزدە توق سوققان. الاتاۋ اۋدانىنىڭ اكىمدىگىندەگىلەر ويىن الاڭقايىن سالۋ ماسەلەسى بويىنشا جۇمىس ىستەلىپ جاتقانىن ءمالىم ەتتى.