تۇماۋدىڭ الدىن الۋ
الەكسەي سوي قازاقستاندىقتاردى ۆاكسينا الۋعا شاقىردى، دەپ حابارلايدى Almaty-akshamy.kz.
«كۇز كەلىپ، كۇن سۋىتا باستاعاندا، يممۋنيتەتتىڭ تومەندەيتىنىن بىلەمىز. بۇل - قالىپتى جاعداي. وسى كەزەڭدە سالاۋاتتى ءومىر سالتىن ۇستانىپ، سپورتپەن شۇعىلدانۋ جانە كوكونىس پەن جەمىس-جيدەكتى كوبىرەك جەۋ وتە ماڭىزدى. سونىمەن قاتار يممۋنيتەتتى قورعاۋ مەن سۋىقتان ساقتاۋدىڭ تاعى ءبىر جولى - ۋاقىتىلى ەكپە الۋ. ءقازىر ەلىمىزدە تۇماۋعا قارسى جاپپاي ۆاكسيناسيا ءجۇرىپ جاتىر. اسىرەسە، تۇماۋعا قارسى ەكپە الۋدى وسال توپقا جاتاتىن ازاماتتار اراسىندا كەڭىنەن جۇرگىزۋ ماڭىزدى بولىپ وتىر. وسى ورايدا ەلىمىزدىڭ بارلىق ازاماتتارىن تۇماۋعا قارسى ۆاكسينا الۋعا شاقىرامىن»، - دەدى ا. سوي ۇكىمەت ۇيىندە ونلاين وتكەن باسپا ءسوز ءماسليحاتىندا.
بۇعان دەيىن مينيستر ەلىمىزدە ۆاكسينا الۋ پروسەسى قارقىندى ءجۇرىپ، ەپيدجاعدايدىڭ جاقسارىپ كەلە جاتقانىن مالىمدەدى. سونداي-اق، ۆەدومستۆو باسشىسى قازاقستاندا كوروناۆيرۋس ىندەتىمەن كۇرەستە قايتا ۆاكسينالاۋ ماسەلەسى قارالىپ جاتقانىن ايتتى. ونىڭ ايتۋىنشا، ريەۆاكسيناسيا ماسەلەسىن قاراۋ ءۇشىن قۇرامىندا عالىمدار مەن سالا ماماندارى بار ارنايى جۇمىس توبى قۇرىلعان.