الماتىدا سۇرانىس 17%-دان 15،9%-عا دەيىن ازايدى.
ەلىمىزدىڭ بەس وبلىسىندا جاڭا كولىكتەرگە سۇرانىس جوعارى، دەپ حابارلايدى Almaty-akshamy.kz
2022 جىلدىڭ قاڭتارىندا رەسپۋبليكانىڭ بەس وبلىسىندا جاڭا كولىكتەرگە سۇرانىس قايتالاما نارىقتاعى كولىكتەرگە قاراعاندا جوعارى بولدى.
ماسەلەن، نۇر-سۇلتاندا 3 جىلعا دەيىنگى 2339 اۆتوكولىك جانە 20 جىلدان اسقان 2006 اۆتوكولىك تىركەلگەن. ال قوستاناي وبلىسىندا بۇل كورسەتكىشتەر سايكەسىنشە 614 جانە 461 اۆتوكولىكتى قۇرادى. اقتوبەدە – 485 جانە 48 كولىك، ياعني، ايىرماشىلىق 10 ەسە. اتىراۋدا – 589 جانە 316 اۆتو بولسا، باتىس قازاقستاندا – 3 جىلعا دەيىنگى 698 كولىك، ال 20 جىلدان اسقان 16 اۆتو تىركەلگەن. مۇندا دا ايىرماشىلىق 43،6 ەسە جوعارى. بقو-دا 3 جىلعا دەيىن تىزگىندەلگەن اۆتوكولىكتەردىڭ جالپى تىركەۋ كولەمىندەگى ۇلەسى 34،6%-دى، نۇر-سۇلتاندا – 31%-دى، اتىراۋ وبلىسىندا - 28،3%-دى قۇرادى.
بۇل رەتتە رەسپۋبليكا بويىنشا ورتاشا كورسەتكىش 18% شاماسىندا. ەگەر سولتۇستىك-باتىس ايماقتاردا جاڭا كولىكتەردىڭ ۇلەسى ارتىپ جاتسا، وندا وڭتۇستىكتە جاعداي كەرىسىنشە. 2021 جىلدىڭ قاڭتارىمەن سالىستىرعاندا الماتى وبلىسىندا مۇنداي كولىكتىڭ ۇلەسى 6،4%-دان 4،6%-عا تومەندەدى. تۇركىستان وبلىسىندا جاڭا كولىكتەرگە سۇرانىس 8،2%-دان 8%-عا دەيىن، الماتىدا 17%-دان 15،9%-عا دەيىن ازايدى. شىعىس قازاقستان وبلىسىندا كورسەتكىش 12،4%-دان 10،4%-عا تومەندەدى.