ەلىمىزدىڭ باسىم بولىگىنە داۋىلدى ەسكەرتۋ جاريالاندى

جەل تۇرىپ، جاۋىن جاۋىپ، نايزاعاي وينايدى.

13 ساۋىردە ەلىمىزدىڭ 11 وبلىسىندا داۋىلدى ەسكەرتۋ جاريالاندى، دەپ حابارلايدى Almaty-akshamy.kz "قازگيدرومەت" رمك-نىڭ باسپا ءسوز قىزمەتىنە سىلتەمە جاساي وتىرىپ.

استانادا وڭتۇستىك-باتىستان 15-20 م/س جىلدامدىقپەن جەل سوعادى دەپ كۇتىلەدى.

كۇندىز اقمولا وبلىسىنىڭ باتىسىندا، سولتۇستىگىندە، شىعىسىندا نايزاعاي وينايدى دەپ بولجانادى. تۇندە جانە كۇندىز وبلىستىڭ باتىسىندا، سولتۇستىگىندە، شىعىسىندا وڭتۇستىك-باتىستان سوققان جەلدىڭ ەكپىنى 15-20 م/س قۇرايدى، كەي تۇستا 25 م/س دەيىن جەتەدى. كوكشەتاۋدا تاڭەرتەڭ جانە تۇستەن كەيىن وڭتۇستىك-باتىستان سوققان جەلدىڭ ەكپىنى 15-20 م/س بولادى دەپ كۇتىلەدى.

قاراعاندى وبلىسىنىڭ باتىسىندا، سولتۇستىگىندە وڭتۇستىك-باتىستان سوققان جەلدىڭ ەكپىنى - 15-20 م/س.

2024 جىلدىڭ 13-16 ءساۋىر ارالىعىندا قار جامىلعىسىنىڭ تۇراقسىزدىعى جانە قاردىڭ كوپتەپ ءتۇسۋى، سونداي-اق ۇلكەن جانە كىشى الماتى وزەندەرىنىڭ باسسەيندەرىندە كۇتىلەتىن جاۋىن-شاشىنعا بايلانىستى قار كوشكىنىنىڭ ءجۇرۋ ءقاۋپى ساقتالادى. قار كوشكىنىنىڭ ءجۇرۋ قاۋپىنە بايلانىستى قار باسقان بەتكەيلەرگە شىقپاۋعا كەڭەس بەرىلەدى. الماتى وبلىسىنىڭ تاۋلارىندا اباي بولىڭىزدار.

2024 جىلى 12-13 ءساۋىر ارالىعىندا قاتتى جاۋىن-شاشىن بولجامىنا بايلانىستى جەتىسۋ وبلىسىنىڭ تاۋلى اۋداندارى مەن تاۋ بوكتەرىندە كولبەۋ اعىننىڭ قالىپتاسۋى جانە وزەندەردەگى سۋ دەڭگەيىنىڭ كوتەرىلۋى ءقاۋپى كۇتىلەدى، مۇندايدا وزەن كەنەرىنەن اسىپ، سۋ تاسقىنى بولۋى مۇمكىن. ءقاۋىپتى مەجەدەن اسقان كەزدە وزەندەردىڭ جايىلما ۋچاسكەلەرىندە ورنالاسقان ەلدىمەكەندەردى، شارۋاشىلىق نىساندارى مەن جەرگىلىكتى ماڭىزى بار جولداردى سۋ باسۋ ءقاۋپى ساقتالاتىنى دا ەسكەرتىلەدى. الاكول اۋدانىندا سولتۇستىك-شىعىستان 15-20 م/س، تۇندە 23-28 م/س جىلدامدىقپەن جەل سوعادى دەپ كۇتىلەدى.

كۇندىز اتىراۋ وبلىسىنىڭ سولتۇستىگىندە، شىعىسىندا، ورتالىعىندا نايزاعاي وينايدى. تۇندە جانە تاڭەرتەڭ وبلىستىڭ وڭتۇستىگىندە تۇمان بولادى. كۇندىز وبلىستىڭ سولتۇستىگىندە، شىعىسىندا باتىستان، وڭتۇستىك-باتىستان 15-20 م/س جىلدامدىقپەن جەل سوعادى.

باتىس قازاقستان وبلىسىنىڭ باتىسىندا، سولتۇستىگىندە نايزاعاي ويناپ، تۇندە جانە تاڭەرتەڭ وبلىستىڭ باتىسىندا، سولتۇستىگىندە تۇمان تۇسەدى دەپ كۇتىلەدى. وبلىستىڭ سولتۇستىگىندە، شىعىسىندا وڭتۇستىك-باتىستان سولتۇستىك-باتىسقا ويىسا سوققان جەلدىڭ ەكپىنى 15-20 م/س قۇرايدى. ورالدا وڭتۇستىك-باتىستان سولتۇستىك-باتىسقا ويىسا سوققان جەلدىڭ كۇندىزگى ەكپىنى 18 م/س بولادى دەپ كۇتىلەدى.

تۇندە سولتۇستىك قازاقستان وبلىسىنىڭ سولتۇستىگىندە، شىعىسىندا، وڭتۇستىگىندە جاڭبىر جاۋادى، كۇندىز وبلىستىڭ وڭتۇستىگىندە، باتىسىندا نايزاعاي وينايدى دەپ كۇتىلەدى. تۇندە جانە تاڭەرتەڭ وبلىستىڭ باتىسىندا تۇمان ءتۇسۋى ىقتيمال. كۇندىز جانە تۇندە وبلىستىڭ وڭتۇستىگىندە وڭتۇستىك-باتىستان سوققان جەلدىڭ ەكپىنى 15-20 م/س، كەي تۇستا 23 م/س دەيىن جەتەدى. پەتروپاۆلدا جاڭبىر جاۋۋى ىقتيمال. وڭتۇستىك-باتىستان كۇندىز سوققان جەلدىڭ ەكپىنى - 15-20 م/س.

اقتوبە وبلىسىنىڭ سولتۇستىك بولىگىندە نايزاعاي وينايدى دەپ كۇتىلەدى. كۇندىز وبلىستىڭ سولتۇستىگىندە، شىعىسىندا، ورتالىعىندا وڭتۇستىك-باتىستان سوققان جەلدىڭ ەكپىنى 15-20 م/س قۇرايدى. اقتوبەدە نايزاعاي ويناپ، وڭتۇستىك-باتىستان 16 م/س جىلدامدىقپەن جەل سوعادى دەپ بولجانادى.

كۇندىز تۇركىستان وبلىسىنىڭ تاۋلى اۋداندارىندا قاتتى جاڭبىر جاۋادى، وبلىستىڭ وڭتۇستىگىندە، تاۋلى اۋداندارى مەن تاۋ بوكتەرىندە نايزاعاي وينايدى، وڭتۇستىك-باتىستان سوققان جەلدىڭ نايزاعاي كەزىندەگى ەكپىنى 15-20 م/س قۇرايدى. شىمكەنتتە دە نايزاعاي ويناپ، وڭتۇستىك-باتىستان سوققان جەلدىڭ نايزاعاي كەزىندەگى ەكپىنى 15-20 م/س دەيىن جەتەدى.

قوستاناي وبلىسىنىڭ سولتۇستىك بولىگىندە جاڭبىر جاۋىپ، نايزاعاي وينايدى دەپ كۇتىلەدى. وبلىستىڭ سولتۇستىگىندە تۇمان بولادى. وبلىستىڭ شىعىسىندا، وڭتۇستىگىندە وڭتۇستىك-باتىستان سوققان جەلدىڭ ەكپىنى 15-20 م/س قۇرايدى.

پاۆلودار وبلىسىنىڭ باتىسىندا، سولتۇستىگىندە، شىعىسىندا تۇندە جاۋىن-شاشىن (نەگىزىنەن جاڭبىر)، تۇمان، كۇندىز جاڭبىر بولادى دەپ كۇتىلەدى. كۇندىز وبلىستىڭ باتىسىندا، وڭتۇستىگىندە وڭتۇستىك-باتىستان سوققان جەلدىڭ ەكپىنى - 15-20 م/س. پاۆلوداردا تاڭەرتەڭ جانە تۇستەن كەيىن جاڭبىر جاۋادى. وڭتۇستىك-باتىستان سوققان جەلدىڭ ەكپىنى 15-20 م/س قۇرايدى.