ەلىمىزدىڭ باسىم بولىگىندە جاۋىن-شاشىنسىز اۋا رايى ساقتالادى

 قازگيدرومەت سينوپتيكتەرى 16 ماۋسىم، جۇماعا ارنالعان اۋا رايى بولجامىن ۇسىندى.

جوعارى قىسىمنىڭ اسەرىنەن رەسپۋبليكانىڭ باسىم بولىگىندە جاۋىن-شاشىنسىز اۋا رايى ساقتالادى، دەپ حابارلايدى Almaty-akshamy.kz.

تەك قازاقستاننىڭ باتىستا، سولتۇستىك-باتىستا، قيىر شىعىسىندا اتموسفەرالىق فرونتتار ءجۇرىپ وتەدى، سالدارىنان نايزاعاي جارقىلداپ، وتكىنشى جاڭبىر جاۋادى.

ەلىمىزدىڭ باتىسىندا بۇرشاق جاۋىپ، داۋىل سوعۋى ىقتيمال.

رەسپۋبليكا بويىنشا جەل كۇشەيەدى. ەلدىڭ ورتالىعىندا شاڭدى داۋىل تۇرادى.

كۇندىز ۇلىتاۋ، قىزىلوردا وبلىستارىنىڭ باسىم بولىگىندە، اتىراۋ وبلىسىنىڭ سولتۇستىگىندە، شىعىسىندا، وڭتۇستىگىندە، باتىس قازاقستان وبلىسىنىڭ وڭتۇستىگىندە، شىعىسىندا، اقتوبە وبلىسىنىڭ باتىسىندا، وڭتۇستىگىندە، الماتى وبلىسىنىڭ سولتۇستىگىندە، ورتالىعىندا، تۇركىستان وبلىستارىنىڭ ءشولدى اۋداندارىندا قاتتى ىستىق ساقتالادى.

جەتىسۋ، اباي، تۇركىستان، اقتوبە، قىزىلوردا، اقمولا، شىعىس قازاقستان، جامبىل، ماڭعىستاۋ، سولتۇستىك قازاقستان وبلىستارىندا، ۇلىتاۋ وبلىسىنىڭ ورتالىعىندا، وڭتۇستىگىندە، الماتى وبلىسىنىڭ سولتۇستىگىندە، وڭتۇستىگىندە، قاراعاندى وبلىسىنىڭ وڭتۇستىگىندە، قوستاناي وبلىسىنىڭ وڭتۇستىك جارتىسىندا، باتىس قازاقستان وبلىسىنىڭ وڭتۇستىگىندە، شىعىسىندا، اتىراۋ وبلىسىنىڭ سولتۇستىگىندە، شىعىسىندا، وڭتۇستىگىندە، پاۆلودار وبلىسىنىڭ سولتۇستىگىندە، باتىسىندا توتەنشە ءورت ءقاۋپى بار.