الماتى تاۋلارىندا قازسەلدەنقورعاۋدىڭ 7 بيىك تاۋلى ماۋسىمدىق گيدروبەكەتى قويىلدى.
ول سەل ءجۇرۋ ءقاۋپى بار كەزەڭنىڭ باستالۋى مەن جوعارى تەمپەراتۋرانىڭ بولۋىنا بايلانىستى مورەنالىق كولدەردى باقىلاۋ جانە مونيتورينگ جاساۋ ءۇشىن قاجەت دەپ حابارلايدى Almaty-akshamy.kz قازاقپاراتقا سىلتەمە جاساپ.
الماتى قالالىق تجد-نىڭ مالىمەتىنشە، الماتى تاۋلارىندا سەل ءجۇرۋ ءقاۋپى بار كەزەڭدە بارلىعى 19 بەكەت جۇمىس ىستەيتىن بولادى، ونىڭ 9-ى جىل بويى جۇمىس ىستەۋدە.
«الماتى قالاسىنىڭ ماڭىندا 51 مورەنالىق كول بار، جاز مەزگىلىندە ولاردىڭ ىشىندەگى 6 اسا ءقاۋىپتى كولدە بوساتۋ جۇمىستارى جۇرگىزىلەتىن بولادى. قازىرگى تاڭدا مورەنالىق كولدەردىڭ تولۋى بايقالۋدا، ءبىراق ولارداعى سۋ دەڭگەيى شەكتىك بەلگىلەرگە جەتكەن جوق، كولدىڭ سالالارى بايقالمايدى. كولدەردى سۋدان بوساتۋ جانە ەۆاكۋاسيالىق ارنالاردى تەرەڭدەتۋ، قوسىمشا سيفوندى قۇبىرلاردى ورناتۋ جانە مونتاجداۋ بويىنشا الدىن الۋ جۇمىستارىن 20 ماۋسىمنان كەيىن باستاۋ جوسپارلانۋدا»، - دەپ حابارلادى تجد-دا.
سونىمەن قاتار، سەل ءجۇرۋ ءقاۋپىن تاۋلىك بويى باقىلاۋ - ناقتى ۋاقىت رەجيمىندە گيدرومەتەورولوگيالىق جاعدايدى قاشىقتىقتان باقىلاۋعا مۇمكىندىك بەرەتىن سەل ءقاۋپى مونيتورينگىنىڭ اۆتوماتتاندىرىلعان جۇيەسىنىڭ (ماج) 31 ستانسياسىنىڭ كومەگىمەن جۇزەگە اسىرىلادى.
«جالپى، ماۋسىم - قىركۇيەك ايلارى ارالىعىندا قالاداعى سەل ءجۇرۋ ءقاۋپى الماتى قالاسىنىڭ توتەنشە جاعدايلار دەپارتامەنتى مەن «قازسەلدەنقورعاۋ» مەكەمەسىنىڭ ەرەكشە باقىلاۋىندا بولادى»، - دەپ حابارلادى ۆەدومستۆونىڭ باسپا ءسوز قىزمەتى.
الماتى قالالىق تجد سونداي-اق الماتى تاۋلارىندا 7 گيدروبەكەتتى قويۋدا الماتى اكىمدىگى اۆياسيالىق قولداۋ كورسەتكەنىن ءمالىم ەتتى.