زامانۋي قازاقستاندىق ارت-ونەرىنىڭ جانە ۇلى دالانىڭ تاريحي موتيۆتەرىنىڭ توعىسۋدا
ەلوردادا ەل تاۋەلسىزدىگىنىڭ 30 جىلدىعىنا ارنالعان «Qazaq Eli» كورمە جوبالارىنىڭ سەرياسى اشىلدى، دەپ حابارلايدى Almaty-akshamy.kz Qazaqtv.com سايتىنا سىلتەمە جاساپ
كوشپەلى تۇرمىس زاتتارى، بىرەگەي زەرگەرلىك بۇيىمدار مەن فوتوكارتينالاردان تۇراتىن ەكسپوزيسيالار بەيبىتشىلىك جانە كەلىسىم سارايىنىڭ ءۇش بىردەي قاباتىندا ورنالاسقان.
ەڭ تومەنگى قاباتتا «Tulpar» زاماناۋي كەسكىندەمە كورمەسى ورنالاسقان. وندا قازاقستان، تۇركيا جانە مولدوۆا سۋرەتشىلەرىنىڭ جۇمىستارى قويىلعان.
«تومەنگى قابات ەسكىدەن حابار بەرۋى ءتيىس بولدى. سوندىقتان ءبىز قازاق حالقىنىڭ كيەلى جانۋارى، سەنىمدى سەرىگى جىلقىنىڭ بەينەسىن كورسەتۋگە تىرىستىق. جىلقى مالى وتە ادەمى، كورىكتى جانۋار. وعان سىرتتاي تۇسىندىرمە جۇرگىزۋدىڭ كەرەگى جوق، بەينەسىنەن-اق تۇسىنۋگە بولادى. بارلىق جوبامىزدا بىرلىكتى كورسەتىپ، ونىڭ وبرازىن قالىپتاستىرىپ كەلەمىز. سوندىقتان بۇل جولى دا بۇعان دەيىنگى جوبالارمەن ۇيلەسەتىن ەكسپوناتتار مەن ونەر تۋىندىلارىن تاڭداپ الدىق. كورمە قاڭتار ايىنىڭ سوڭىنا دەيىن جالعاسادى، بالكىم ءارى قاراي دا سوزۋىمىز مۇمكىن»، - دەدى كورمە جوبالارىنىڭ كۋراتورى، ەلوردا گالەرەياسىنىڭ جەتەكشىسى لەيلا ماحات.