الماتى قالاسىندا ەسىرتكى، پسيحوتروپتىق زاتتار مەن پرەكۋرسورلاردىڭ اينالىمىنا قارسى زاڭسىز بيزنەس بويىنشا ورتاازيالىق اۋماقتىق اقپاراتتىق كوورديناسيالىق ورتالىعىنىڭ ۇلتتىق كەڭەس كوورديناتورلارىنىڭ مەملەكەتتىك قاتىسۋشىلارىمەن كەڭەيتىلگەن وتىرىس وتكىزىلدى، دەپ حابارلايدى Almaty-akshamy.kz
اتالعان وتىرىسقا ورتاازيادا ءىس ساپارمەن جۇرگەن بۇۇ-نىڭ باس حاتشىسىنىڭ ورىنباسارى، بۇۇ ەسىرتكى جانە قىلمىستار بويىنشا باسقارماسىنىڭ اتقارۋشى ديرەكتورى گادا ۆالي قاتىستى.
سونىمەن قاتار، گيبريدتى فورماتتا وتكەن وتىرىسقا ەلىمىزدەگى اقش، جاپونيا ەلشىلىكتەرىنىڭ وكىلدەرى دە شاقىرىلدى. كەزدەسۋدەگى كۇن تارتىبىندە ورتالىقتىڭ قۇقىقتىق كەلىسىمىن نىعايتۋ ءۇشىن واااكو-نا جاڭا باقىلاۋشىلار دى قابىلداۋ ماسەلەلەرى تالقىلانادى.
«بىرىنشىدەن، مۇنداعى باستى ماقسات – تاراپتاردىڭ اقپارات قاۋىپسىزدىگىمەن الماسۋى بويىنشا كەلىسىم جوباسىن قاراستىرۋ. ەكىنشىدەن، واااكو-نىڭ قۇقىقتىق-كەلىسىمىن جەتىلدىرۋ. ۇشىنشىدەن، اۋعانستانداعى جاعداي بويىنشا تاۋەكەلدىلىك ماسەلەلەرىن باعامداپ، ونىڭ اتالعان ورتالىققا تيگىزەتىن زيانىن انىقتاۋ بولىپ تابىلادى»، – دەپ مالىمدەدى قازاقستان رەسپۋبليكاسى ءىىم-نىڭ ورىنباسارى ارىستانعالي زاپپاروۆ.
ۇكك وتىرىسىنىڭ قورىتىندىسى بويىنشا واااكو-نىڭ باسقادا حالىقارالىق ۇيىمدار مەن باسىم باعىتتار بويىنشا ىقپالداستىقتى ارتتىرۋ ءۇشىن بىرلەسكەن شەشىمدەر قابىلداندى.
«2010 جىلدان باستاپ واااكو-نا قاتىسۋشى مەملەكەتتەردىڭ قولداۋىمەن الداعى اتقارىلار جۇمىستاردىڭ ناتيجەلى بولۋى ءۇشىن اقپاراتتىق كورعاۋ مەن الماسۋ بويىنشا جوسپار ماقۇلداندى. سونداي-اق، بۇل ونى قارجىلاندىرۋدىڭ ءبىر شارتى. سونىمەن قاتار، شۆەسيا كورولدىگىنە باقىلاۋشى مارتەبەسىن بەرۋ شەشىمى قابىلدانىپ، ورتالىق كەڭىستىگى تاعى دا ۇلعايدى. قۇقىقتىق كەلىسىم بازاسىن جەتىلدىرۋ، قارجىلاندىرۋ ماسەلەلەرىن شەشۋ ءۇشىن بىرلەسكەن بىرنەشە ءىس-شارالار قاراستىرىلدى»، – دەپ اتاپ ءوتتى ءمينيستردىڭ ورىنباسارى ارىستانعالي زاپپاروۆ.
ال بۇۇ باس حاتشىسىنىڭ ورىنباسارى گالا ۆالي حانىمنىڭ جۇمىس جوسپارىندا 24 قاراشا كۇنى تاشكەنت قالاسىندا بۇۇ-نىڭ 2022-2025 جىلدار ارالىعىنداعى ورتالىق ازيا بويىنشا كەيبىر ماسەلەلەرگە قاتىستى باعدارلامالار ىسكە اسىرۋ بويىنشا كەلىسىمگە قول قويۋ ەنگىزىلگەن.