«ارحيۆ جانە بولاشاق ۇرپاق» اتاۋىمەن ەلىمىزدىڭ بارلىق وڭىرىندەگى ارحيۆتەردە اشىق ەسىك كۇنى وتۋدە.
جالپى، رەسپۋبليكا بويىنشا 220-عا جۋىق ارحيۆ بار. وندا 26 ميلليون قۇجات ساقتالعان. ءدال بۇگىن مەكتەپ وقۋشىلارى مەن ستۋدەنتتەر سول مۇراعاتقا بارىپ، قۇندى قۇجاتتارمەن تانىسىپ، تاريحقا تەرەڭ بويلاي الادى. استاناداعى ۇلتتىق ارحيۆ تە جەتكىنشەكتەرگە ەسىگىن ايقارا اشتى، دەپ حابارلايدى Almaty-akshamy.kz 24.kz-كە سىلتەمە جاساپ.
«جالپى، الەمنىڭ ءاربىر مەملەكەتىنىڭ وركەنيەتتىك ولشەمى، دامۋى بارلىعى وسى ارحيۆتەرمەن تىكەلەي بايلانىستى. ويتكەنى جازبا تاريحتىڭ بارلىعى وسىندا جاتىر. سونى جاس ۇرپاق ۇستاپ ءوز كوزىمەن كورىپ، ەلىمىزدىڭ XVI عاسىردان باستاپ قازىرگى كەزگە دەيىنگى تاريحتى كورسە، ولاردىڭ بويلارىندا ۇلتقا، وتانعا دەگەن سۇيىسپەنشىلىك قالىپتاسادى»، - دەيدى ارحيۆ ىستەرى جانە قۇجاتتامانى باسقارۋ كوميتەتىنىڭ ءتوراعاسى قۋات بوراش.