اۆتوبۋس جولاۋشىلارى زارداپ شەكتى.
الماتىدا №44 باعىتتاعى اۆتوبۋس MAN جۇك كولىگىمەن سوقتىعىستى، دەپ حابارلايدى Almaty-akshamy.kz
اۆتوبۋس ءاشىموۆ كوشەسىمەن سولتۇستىك باعىتتا كەلە جاتىپ، قيىلىستان وتە بەرگەندە، قارسى بەتتەن جۇك كولىگى شىعىپ، سوعىلعان. جول-كولىك اپاتى سالدارىنان اۆتوبۋس جولدان تروتۋارعا قاراي سىرعىپ، جولاي بىرنەشە اعاشتى قۇلاتىپ كەتتى.
اپات سالدارىنان ءتورت ادام اۋرۋحاناعا جەتكىزىلدى، اۆتوبۋستىڭ قالعان جولاۋشىلارى اۋرۋحاناعا جاتقىزۋدان باس تارتتى.
جۇك كولىگىنىڭ جۇرگىزۋشىسىنىڭ ايتۋىنشا، كولىك تەجەگىشى ىستەن شىققان.
وقيعا ورنىندا جول پوليسياسى جۇمىس ىستەپ جاتىر.