ەلىمىزدىڭ اتىراۋ، الماتى جانە تۇركىستان وبلىستارىندا مۇعالىمدەر تاپشى

ءمۇعالىم تاپشىلىعى بايقالاتىن ەلدىڭ ءۇش ءوڭىرىنىڭ ءارقايسىسىندا 600-گە دەيىن بوس ورىن بار

ەلىمىزدە مەكتەپ ۇستازدارى جەتكىلىكسىز وڭىرلەر بەلگىلى بولدى، دەپ حابارلايدى Almaty-akshamy.kz.

«پەداگوگ دەفيسيتىنە كەلسەك، بيىل قىركۇيەكتەگى جاعداي بويىنشا ەلىمىزدە 3 مىڭنان استام جۇمىس ورنى بوس تۇر. بۇگىندە قازاقستاندا 350 مىڭداي ءمۇعالىم بارىن ەسكەرسەك، سالىستىرمالى تۇردە 3 مىڭدى اسا ۇلكەن تاپشىلىق دەپ ويلامايمىن. مۇعالىمدەردىڭ جەتىسپەۋشىلىگى كوبىنەسە اۋىلدىق جەرلەردەگى شاعىن مەكتەپتەردە بايقالادى. شاعىن مەكتەپتەردەگى پەداگوگ تاپشىلىعى ونداعى جۇكتەمەنىڭ ازدىعىنان تۋىنداپ وتىر. ءمۇعالىم تاپشى 3 ايماقتى ايتار بولسام، الدىمەن اتىراۋ وبلىسى، ەكىنشى كەزەكتە الماتى وبلىسى جانە ءۇشىنشى ورىندا تۇركىستان وبلىسى»، - دەدى ق ر ءبىلىم جانە عىلىم ءمينيسترلى اسحات ايماعامبەتوۆ ۇكىمەت ۇيىندە ونلاين وتكەن باسپا ءسوز ءماسليحاتىندا.

ءمينيستردىڭ مالىمدەۋىنشە، جوعارىدا اتالعان ءار وڭىردە 600-گە دەيىن بوس جۇمىس ورنى بار.

«كەز كەلگەن ماسەلەنىڭ ەكى جاعى بار. مەملەكەت باسشىسى تاپسىرعان 1000 مەكتەپ سالۋعا كەلسەك، جاڭا مەكتەپ سالعان سوڭ، وعان قاجەتتى مامانداردى دا دايارلاۋ كەرەك. بۇل ورايدا پەداگوگيكا ماماندىقتارىنا بولىنەتىن گرانت سانى جىل ساناپ ارتىپ كەلەدى. سونداي-اق، مۇعالىمدەردى دايارلاۋدا وقۋ باعدارلاماسىنا وزگەرىستەر ەنگىزىلدى. جالپى ايتقاندا، بۇگىندە ەلىمىزدە پەداگوگ تاپشىلىعىن شەشۋگە ارنالعان كەشەندى جۇيە بار»، - دەيدى ول.