ەلىمىزدىڭ اسكەري دوكتريناسى قايتا ازىرلەندى

«ءقاۋىپسىز ەل» ۇلتتىق جوباسى قارۋلى كۇشتەردىڭ قۇرىلىمىن جەتىلدىرۋگە باعىتتالعان

 بۇل  تۋرالى «قورعانىس كۇشتەرىن رەفورمالاۋ جانە جاۋىنگەرلىك قابىلەتىن ارتتىرۋ شەڭبەرىندەگى شارالار» اتتى ورتالىق  كوممۋنيكاسيالار قىزمەتىندە وتكەن بيريفينگتە قورعانىس ءمينيسترىنىڭ ورىنباسارى گەنەرال-لەيتەنانت سۇلتان قامالەتدينوۆ مالىمدەدى، دەپ حابارلايدى almaty-akshamy.kz inbusiness.kz سىلتەمە جاساپ.

ونىڭ ايتۋىنشا، ەلىمىزدە جاڭا مەملەكەتتىك جوسپارلاۋ جۇيەسىنە سايكەس اسكەري قاۋىپسىزدىك سالاسىنداعى قۇجاتتار قايتا ازىرلەندى. قازىرگى زامانعى سىن-قاتەرگە سايكەس اسكەري دوكترينا قايتا ازىرلەندى.

«ءقاۋىپسىز ەل» ۇلتتىق جوباسى ازىرلەندى. وسى جوبا شەڭبەرىندە قارۋ-جاراقتىڭ ەلىمىزدە شىعارىلعان ۇلگىسىن دايىنداۋ، ءوق-دارى قويماسىن سالۋ، قولدانىستاعى ساقتاۋ وبەكتىسىن جەتىلدىرۋ كوزدەلگەن»، دەدى سۇلتان قامالەتدينوۆ.

ءقازىر ەلىمىزدىڭ قورعانىس سالاسى وزىق قارۋمەن، باسقارۋ جۇيەسىمەن جابدىقتالعان تەحنولوگيالىق ءموبيلدى ارميا قۇرۋدى جوسپارلاپ وتىر. سونىمەن قاتار، قورعانىس ونەركاسىبىن دامىتۋ، اسكەري ءبىلىم مەن عىلىمدى جەتىلدىرۋ، اسكەري قىزمەت بەدەلىن ارتتىرۋ، جاستارعا اسكەري پاتريوتتىق تاربيە بەرۋ مىندەتى ايقىندالعان.