2025 جىلعى 14 اقپاندا ق ر پرەزيدەنتى جانىنداعى ورتالىق كوممۋنيكاسيالار قىزمەتىندە «سۋ تاسقىنى كەزەڭىنە دايىندىق تۋرالى» تاقىرىبىندا باسپا ءسوز كونفەرەنسياسى ءوتتى. سپيكەر رەتىندە ق ر تجم توتەنشە جاعدايلاردىڭ الدىن الۋ كوميتەتى ءتوراعاسىنىڭ مىندەتىن اتقارۋشى جىلقايداروۆ اسەت دۋمان ۇلى قاتىستى، دەپ
توتەنشە جاعدايلار مينيسترلىگى ورتالىق مەملەكەتتىك جانە جەرگىلىكتى اتقارۋشى ورگاندارمەن بىرلەسىپ سۋ تاسقىنى كەزەڭىنە دايىندىق جونىندەگى ءىس شارالار كەشەنىن جالعاستىرۋدا.
سۋ تاسقىنىنىڭ بولجامدى تاۋەكەلدەرىنە بايلانىستى وڭتۇستىك جانە باتىس وڭىرلەردە ورنالاسقان ۋچاسكەلەردە جاعدايدى باقىلايتىن جانە قالىپتاسقان جاعداي تۋرالى وزەكتى اقپاراتتى بەرەتىن تاۋلىك بويى قىزمەت اتقاراتىن بەكەتتەر قويىلدى.
«جاعداي ناشارلاعان كەزدە ءبىز زارداپ شەككەن وڭىرلەرگە قوسىمشا كۇشتەر مەن قۇرالداردى جەدەل جەتكىزەمىز، سونداي-اق حالىقتى ەۆاكۋاسيالاۋعا جانە اۆاريالىق-قۇتقارۋ جۇمىستارىن جۇرگىزۋگە دايىندالامىز»، - دەپ اسەت جىلقايداروۆ حابارلادى.
دايىندىق شەڭبەرىندە ازاماتتىق قورعانىستىڭ اسكەري بولىمدەرى جوعارى دايىندىققا كەلتىرىلدى، جەدەل كەزەكشىلىكتە قۇتقارۋ اۆياسياسى بار. تاۋلىك بويى رەجيمدە تجم جەدەل سۋ تاسقىنىنا قارسى شتابى جۇمىس ىستەيدى، وعان ءىىم، ءقورعانىسمينى، ۇۇ، قازگيدرومەت، قازسۋشار جانە قازاۆتوجول سياقتى نەگىزگى مەملەكەتتىك ورگانداردىڭ ماماندارى تارتىلعان. سونداي-اق ءىس-قيمىلداردى جەدەل ۇيلەستىرۋ ءۇشىن وڭىرلەردە وسىنداي شتابتار دا جۇمىس ىستەيدى.
جەدەلدىكتى جاقسارتۋ ءۇشىن كوماندالىق-شتابتىق ماشينالار بازاسىندا جەدەل باسقارۋ توپتارى قۇرىلدى، ول ىقتيمال توتەنشە جاعدايلار ايماقتارىنان ناقتى ۋاقىت رەجيمىندە اقپاراتتى بەرۋگە مۇمكىندىك بەرەدى. سونداي-اق جەدەل دەن قويۋ ءۇشىن كۇشتەر مەن قۇرالدار رەزەرۆى دايىندالدى. سونداي-اق جەدەل دەن قويۋ ءۇشىن كۇشتەر مەن قۇرالدار رەزەرۆى دايىندالدى.
قازگيدرومەتتىڭ الدىن الا بولجامى بويىنشا 9 وڭىردە (اقتوبە، اباي، اقمولا، شقو، بقو، قاراعاندى، ۇلىتاۋ، سقو، قوستاناي وبلىستارى) جوعارى سۋ باسۋ ءقاۋپى كۇتىلۋدە. تجم سۋ تاسقىنى سالدارىن ازايتۋ جانە ازاماتتاردىڭ قاۋىپسىزدىگىن قامتاماسىز ەتۋ ءۇشىن بارلىق قاجەتتى شارالاردى قابىلداۋعا دايىن.