قازگيدرومەت اۋا رايىنىڭ قولايسىزدىعىنا بايلانىستى قازاقستاننىڭ توعىز وڭىرىندە ەسكەرتۋ جاريالادى، دەپ حابارلايدى Almaty-akshamy.kz Almaty.tv-گە سىلتەمە جاساپ.
ۇلىتاۋ وبلىسىنىڭ سولتۇستىگىندە، ورتالىعىندا سولتۇستىك-باتىستان جەل سوعىپ، ەكپىنى 15-20 م/س-كە جەتەدى. جەزقازعاندا 23 قازاندا تۇندە سولتۇستىك-باتىستان سوققان جەلدىڭ ەكپىنى 18 م/س بولادى.
قىزىلوردا وبلىسىندا سولتۇستىك-شىعىستان جەل سوعادى، تۇندە وبلىس ورتالىعىندا كۇشى 15-20 م/س ساقتالادى.
اقمولا وبلىسىنىڭ سولتۇستىگىندە قار جاۋادى. وبلىستىڭ سولتۇستىگىندە، شىعىسىندا جاياۋ بۇرقاسىن، كوكتايعاق، تۇمان بولادى. سولتۇستىك-باتىستان، باتىستان جەل سوعادى. تۇندە وبلىستىڭ باسىم بولىگىندە جەلدىڭ جىلدامدىعى سەكۋندىنا 15-20، وبلىستىڭ وڭتۇستىك-شىعىسىندا ەكپىنى 25 م/س-كە جەتەدى، كۇندىز وبلىستىڭ سولتۇستىگىندە، وڭتۇستىك-شىعىسىندا ەكپىنى 15-20 م/س بولادى.
كوكشەتاۋدا تۇندە قار، جاياۋ بۇرقاسىن، كوكتايعاق، تۇمان بولادى. سولتۇستىك-باتىستان، باتىستان جەل سوعادى، كۇشى 15-20 م/س.
اقتوبە وبلىسىنىڭ باتىسىندا، سولتۇستىگىندە، شىعىسىندا تۇمان تۇسەدى. جەلدىڭ باعىتى سولتۇستىك-باتىستان وڭتۇستىك-شىعىسقا اۋىسادى، تۇندە وبلىستىڭ ورتالىعىندا، وڭتۇستىگىندە، شىعىسىندا ەكپىنى 16 م/س جىلدامدىقپەن جەل تۇرادى.
اباي وبلىسىنىڭ سولتۇستىگىندە، وڭتۇستىك-باتىسىندا، ورتالىعىندا وڭتۇستىك-باتىستان سوعاتىن جەلدىڭ كۇشى 15-20، ەكپىنى 23-28 م/س دەيىن جەتەدى. سەمەيدە وڭتۇستىك-باتىستان جەل سوعادى، ەكپىنى 15-20 م/س.
شىعىس قازاقستان وبلىسىنىڭ سولتۇستىك-شىعىسىندا كوكتايعاق، بۇرقاسىن بولادى. جەل وڭتۇستىك-باتىستان سوعادى، وبلىستىڭ سولتۇستىگىندە، شىعىسىندا 15-20، ەكپىنى 25 م/س دەيىن جەتەدى. وسكەمەندە وڭتۇستىك-باتىستان جەل سوعادى، ەكپىنى 15-20 م/س.
باتىس قازاقستان وبلىسىنىڭ سولتۇستىگىندە، باتىسىندا تۇمان تۇسەدى. ورالدا تۇندە جانە تاڭەرتەڭ تۇمان تۇسەدى.
جەتىسۋ وبلىسىنىڭ تاۋلى اۋداندارىندا جاۋىن-شاشىن بولادى.
پاۆلودار وبلىسىندا تۇندە كوكتايعاق بولادى. باتىستان جەل سوعادى، كۇشى 15-20م/س تۇندە ايماقتىڭ باسىم بولىگىندە، ال كۇندىز وبلىستىڭ وڭتۇستىگىندە، شىعىسىندا ەكپىنى 23-28 م/س دەيىن جەتەدى دەپ كۇتىلەدى. پاۆلوداردا باتىستان جەل سوعادى، كۇشى 15-20 م/س، تۇندە جانە تاڭەرتەڭ ەكپىنى 23 م/س بولادى.
استانادا كۇندىز كوكتايعاق كۇتىلەدى. سولتۇستىك-باتىستان، باتىستان جەل سوعادى، تۇندە جانە تاڭەرتەڭ ەكپىنى 15-20 م/س دەيىن جەتەدى.