رەسپۋبليكا كۇنى مەن بالۋان شولاق اتىنداعى سپورت سارايىنىڭ 55 جىلدىعىنا وراي Almaty Sport Fest 2022 سپورت فەستيۆالى ءوتىپ جاتىر
بالۋان شولاق اتىنداعى سپورت سارايىنىڭ Baluan Sholak Arena، Olimpic Arena جانە ABAI Arena كەشەندەرىندە قالا تۇرعىندارى مەن قوناقتارىنا ارنالعان سپورت سەكسيالارىنىڭ كورسەتىلىمدەرى وتۋدە.
Brave FC جاۋىنگەرى اسۋ المابايەۆ پەن NFC سپورتشىسى فانيل رافيكوۆ ارالاس جەكپە-جەكتەن ءوز شەبەرلىكتەرىن كورسەتسە، ەلدوس جۇماحانوۆ دزيۋدودان، تيمۋر سەريكوۆ گرەك-ريم كۇرەسىنەن جانە ناتاليا كليمەنكو كاراتەدەن شەبەرلىك ساعاتتارىن وتكىزىپ جاتىر. سونىمەن قاتار باسكەتبولدان «الماتىلىق لەگيون» جانە فۋتزالدان «قايرات» ويىنشىلارى ءوز ونەرلەرىن كوپشىلىك قاۋىمعا پاش ەتۋدە. ايتا كەتكەن ءجون، فەستيۆالگە تەك مەكتەپ وقۋشىلارى عانا ەمەس، كەز كەلگەن ادام قاتىسا الادى. «مادەني-سپورت كەشەنى» ج ش س ديرەكتورى ەرجان ساۋرىقوۆتىڭ پىكىرىنشە، ءبىزدىڭ قالامىزدا سپورتتى دامىتۋ ءۇشىن بارلىق قاجەتتىلىك بار جانە بۇل رەتتە مەملەكەت ەرەكشە ءرول اتقارادى.
- بۇگىنگى فەستيۆالگە كەلگەن بارلىق سپورت سۇيەر قاۋىمدى كەلە جاتقان مەرەكەمەن قۇتتىقتايمىن! بۇل تاماشا وقيعا قازاقستان رەسپۋبليكاسى كۇنىنە جانە بالۋان شولاق اتىنداعى سپورت سارايىنىڭ 55 جىلدىعىنا ارنالعان. Sport Fest Almaty – سپورتتىق داعدىلارمەن، تاجىريبەمەن بولىسۋگە، بىر-بىرىمەن تانىسۋعا جانە جاڭا دوستار تابۋعا تاماشا مۇمكىندىك. ءبىزدىڭ سپورت كەشەندەرىمىزدە 20-عا جۋىق سپورت سەكسيالارى جۇمىس ىستەيدى. جاقىن ارادا جەكە ينۆەستيسيالاردى تارتۋدىڭ ارقاسىندا Baluan Sholak Arena-دا ءبىرقاتار سپورت زالدارى اشىلادى. سپورت – جاس ۇرپاقتى تاربيەلەۋدىڭ ماڭىزدى بولىگى. ول رۋحتى كوتەرەدى، ءتارتىپتى قالىپتاستىرادى جانە جەكە ادام تۇلعاسىنىڭ دامۋى ءۇشىن شەكسىز مۇمكىندىكتەر اشادى. الماتىدا بالالار اراسىنداعى سپورت پەن بۇقارالىق سپورتتى دامىتۋ - ءبىزدىڭ باسىم مىندەتتەرىمىزدىڭ ءبىرى. وسى باعىتتا جۇمىس ىستەۋدى توقتاتپايمىز، – دەدى ول.
سونداي-اق، فەستيۆال اياسىندا بالۋان شولاق اتىنداعى سپورت سارايىنىڭ ۇزدىك قىزمەتكەرلەرى ماراپاتتالىپ مەن جاقسى ناتيجەمەن ءوزىن كورسەتە بىلگەن سپورت سەكسيالارىنىڭ جەتەكشىلەرى ماراپاتتالىپ، كونسەرتتىك باعدارلاما ۇيىمداستىرىلدى.
ايتا كەتكەن ءجون، بۇگىندە سپورت كەشەندەرىندە 20-عا جۋىق سپورت سەكسياسى جۇمىس ىستەيدى. جاقىن ارادا جەكە ينۆەستيسيالاردى تارتۋدىڭ ارقاسىندا Baluan Sholak Arena جەرتولەسىندە، ءۇشىنشى جانە ءتورتىنشى قاباتتاردا تاعى بىرنەشە سپورت زالدار اشىلادى.