بۇل تۋرالى ەكولوگيا جانە تابيعي رەسۋرستار ۆيسە-مينيسترى عاليدوللا ازيدۋللين ايتتى.
قازاقستاندا 471 گيدروتەحنيكالىق قۇرىلىستى جوندەۋدەن وتكىزۋ قاجەت، دەپ حابارلايدى Almaty-akshamy.kz
ورتالىق كوممۋنيكاسيالار قىزمەتىندە وتكەن باسپا ءسوز ءماسليحاتىندا ۆيسە-مينيستر رەسپۋبليكالىق بالانستاعى گيدروتەحنيكالىق قۇرىلىستاردىڭ سۋ تاسقىنى كەزەڭىنە دايىندىعى باياندادى.
ونىڭ ايتۋىنشا، رەسپۋبليكا اۋماعىندا بارلىعى 1806 تىرەك گيدروتەحنيكالىق قۇرىلىس بار. رەسپۋبليكالىق مەنشىكتە – 536، كوممۋنالدىق مەنشىكتە – 1011، جەكە مەنشىكتە – 239، يەسىز – 20.
"بيىل قاڭتار ايىنداعى جاعداي بويىنشا 1322 گيدروتەحنيكالىق قۇرىلىس زەرتتەلدى. 471 نىسان جوندەۋدى تالاپ ەتەتىنى انىقتالدى، ونىڭ 327–ءسى كوممۋنالدىق مەنشىكتە، رەسپۋبليكالىق مەنشىكتە – 94، جەكە مەنشىكتە – 44، التاۋى – يەسىز"، - دەدى ازيدۋللين.
ەكولوگيا مينيسترلىگى سۋ تاسقىنى كەزەڭىن ءقاۋىپسىز وتكىزۋ جانە قاجەتتى ينەرتتى ماتەريالدار مەن تەحنيكانى دايىنداۋ ءۇشىن جەرگىلىكتى اتقارۋشى ورگاندارعا ءتيىستى ءىس-شارالاردى وتكىزۋ تۋرالى ۇسىنىمدار جىبەردى.
سونداي-اق ول رەسپۋبليكا اۋماعىنداعى ءىرى سۋ قويمالاردىڭ ورتاشا تولۋ كورسەتكىشى 60-75%ء-تى قۇرايتىنىن اتاپ ءوتتى.
"ءىرى سۋ قويمالارىنا اعىننىڭ كۇتىلەتىن كولەمى – نورما شەگىندە. بارلىق سۋ قويماسىندا سۋ قابىلداۋعا ارنالعان بوس كولەمدەر بار. سۋ قويمالارى بەكىتىلگەن جۇمىس رەجيمىنە سايكەس جۇمىس ىستەپ جاتىر"، - دەدى ۆيسە-مينيستر.