قازاقستان 20-دان اسا وتاندىق اۋەجايدى ەۋروپالىق ينۆەستورلاردىڭ باسقارۋىنا بەرۋگە دايىن. ەلىمىزدىڭ كولىك ءمينيسترى مارات قارابايەۆ وسىلاي دەدى، - دەپ حابارلايدى اlmaty-akshamy.kz.
ۆەدومستۆونىڭ باسپا ءسوز قىزمەتىنىڭ مالىمەتىنشە، بريۋسسەلدە وتكەن Global Gateway ينۆەستيسيالىق فورۋمىنىڭ اشىلۋ سالتاناتىندا مينيستر مارات قارابايەۆ ەۋرووداق پەن ورتالىق ازيا اراسىنداعى تۇراقتى كولىك ءدالىزىن دامىتۋ جونىندە ءسوز سويلەگەن. ءدال وسى جەردە ءبىرقاتار وتاندىق اۋەجايدىڭ ينۆەستورلار قولىنا بەرىلەتىنى ايتىلدى.
"ازاماتتىق اۆياسيا سالاسىن دامىتۋ جانە كونتينەنتتىك ترانزيتتىك حاب قۇرۋ ءۇشىن ينۆەستورلارعا وتاندىق 22 اۋەجايدى باسقارۋعا بەرۋ جوسپارلانعان"، - دەدى مينيستر.
سونىمەن قوسا، كولىك مينيسترلىگىنىڭ باسشىسى مارات قارابايەۆ بريۋسسەل قالاسىندا بەلگيا پرەمەر-مينيسترىنىڭ ورىنباسارى جورج گيلكينەمەن كەزدەستى. كەزدەسۋ بارىسىندا ەۋروپا مەن قازاقستان اراسىنداعى كولىك دالىزدەرىن كەڭەيتۋ، سونداي-اق ەكى ەلدىڭ كولىك سالاسىنداعى ۇزاق مەرزىمدى ءوزارا ءتيىمدى ىنتىماقتاستىعىن دامىتۋ جانە نىعايتۋ ماسەلەلەرى تالقىلاندى.