بيىل سۋ باعاسى قىمباتتايدى.
بۇل تۋرالى ۇلتتىق ەكونوميكا ءمينيسترى الىبەك كۋانتىروۆ مالىمدەدى، دەپ حابارلايدى اlmaty-akshamy.kz. ءمينيستردىڭ پىكىرىنشە، سۋ قورىن ۇقىپتى پايدالانباۋ جانە ارزان باعا سالدارىنان ونى اگرەسسيۆ تۇردە قىمباتتاتۋعا بولادى.
«سۋ ءتاريفى وتە ارزان. ليترىنە – 4 تيىن. ارينە، ءبىز سۋدى ۇقىپتى پايدالانبايمىز. ەگەر ءسىز قوعامدىق مونشاعا بارساڭىز، اعىل-تەگىل اققان سۋدى كورەسىز. وسىنىڭ ءوزى ءبىزدىڭ سۋدى دۇرىس پايدالانبايتىنىمىزدى ايعاقتايدى. ال سۋ دەگەنىڭىز – تىرشىلىك كوزى. بۇگىن سۋ قورى ءمينيسترى ەلىمىزدە سۋ تاپشىلىعى ورىن الۋى مۇمكىن ەكەنىن ەسكەرتتى. سوندىقتان سۋدى ۇنەمدەۋگە ءتيىستىمىز»، – دەدى ءا.قۋانتىروۆ.
سونىمەن، مينيستر بيىل سۋ ءتاريفى كوتەرىلەتىنىن جەتكىزدى.
ول ءوز سوزىندە: «ءيا، سۋ قىمباتتايدى. تۇبىرتەكتەرىڭىزگە قاراڭىزدار، كورسەتكىش وتە تومەن 200-300 ءارى كەتسە 500 تەڭگە. سوندىقتان، سۋ تاپشىلىعى بولماۋى ءۇشىن باعانى اگرەسسيۆ تۇردە قىمباتتاتۋعا بولادى. بۇل قاشان جۇزەگە اسادى؟ ءوتىنىم تۇسكەن كەزدە»، – دەدى ول.