الماتىدا بۇعان دەيىن جولاقى بىلتىرعى تامىزدا قىمباتتاعان ەدى.
استانا مەن الماتىدا جول ءجۇرۋ قىمباتتايدى، دەپ حابارلايدى aqshamnews.kz
قازاقستاننىڭ ەلورداسى – استانا مەن ەلىمىزدىڭ ەڭ ءىرى مەگاپوليسى – الماتى تۇرعىندارى ءۇشىن تامىز ايى قوعامدىق كولىكتە جول ءجۇرۋ اقىسىن كوتەرۋدەن باستالادى. استانادا 20 تەڭگەگە قىمباتتايدى. 1 تامىزدان باستاپ اۆتوبۋسپەن جول جۇرەتىن ازاماتتار ءبىر رەت جول ءجۇرۋ ءۇشىن 110 تەڭگە تولەيدى.
سول سياقتى الماتىلىقتار ءۇشىن اۆتوبۋس، تروللەيبۋس جانە مەتروداعى جول ءجۇرۋ باعاسى 20 تەڭگەگە قىمباتتايدى. 2024 جىلدىڭ تامىز ايىنىڭ باسىنان جول ءجۇرۋ قۇنى كارتامەن نەمەسە بانك قوسىمشاسى ارقىلى 120 تەڭگەنى قۇرايدى.
بۇل رەتتە الماتىداعى قوعامدىق كولىك جۇرگىزۋشىلەرىنە جول اقىسىن قولما-قول الۋعا تولىق تىيىم سالىنۋى مۇمكىن. بۇعان دەيىن قوعامدىق كولىكتە جول ءجۇرۋ اقىسى وتكەن جىلدىڭ تامىز ايىندا قىمباتتاعان بولاتىن. سول كەزدە دە جول ءجۇرۋ اقىسى 20 تەڭگەگە قىمباتتاپ، 80 تەڭگەدەن 100 تەڭگەگە كوتەرىلدى. قولما-قول تولەگەندە جول ءجۇرۋ اقىسى 200 تەڭگە بولدى.