ەلىمىزدىڭ 16 وڭىرىندە اۋا رايىنا بايلانىستى ەسكەرتۋ جاريالاندى، دەپ حابارلايدى aqshamnews.kz.
قازگيدرومەت مالىمەتىنشە، قار، جاڭبىر جاۋىپ، بوران سوعادى. سولتۇستىكتە بوران سوقسا، الماتى، جەتىسۋ، تۇركىستان وبلىستارىندا جاڭبىر جاۋۋى ىقتيمال. كەيبىر ايماقتاردا تۇمان ءتۇسىپ، كوكتايعاق بولادى. جەلدىڭ جىلدامدىعى سەكۋندىنا 28 مەترگە دەيىن جەتەدى.
سونداي-اق، تۇندە اقمولا، سولتۇستىك قازاقستان، قىزىلوردا، جەتىسۋ وبلىستارىنداعى رەسپۋبليكالىق ماڭىزى بار جولداردىڭ ءبىراز بولىگى جابىلعان. ماماندار جولعا شىقپاس بۇرىن 1403 نومىرىنە حابارلاسىپ، اباي بولۋدى ەسكەرتەدى.