2025 جىلى تەحنيكالىق تروتۋارلاردى سالۋ جۇمىستارى زاماناۋي كورىكتەندىرۋ ستاندارتتارىنا سايكەس جۇرگىزىلەدى، دەپ حابارلايدى Aqshamnews.kz
جاڭا جوبالار قالا ورتاسىنىڭ جايلىلىعى، ەكولوگيالىق تازالىعى جانە تارتىمدىلىعىن ارتتىرۋعا باعىتتالعان. قالا اكىمىنىڭ تاپسىرماسىنا سايكەس، 11 ماگيسترالدى كوشەدە تەحنيكالىق تروتۋارلار توسەلەدى. بۇل تۋرالى بوستاندىق اۋدانى اكىمدىگى حابارلادى.
جوبا اياسىندا سادىقوۆ، مۇستافين، يسينالييەۆ، تىلەندييەۆ، رادوستوۆەس، عابدۋللين، كەكىلباي ۇلى، ناۋرىزباي باتىر، ماركوۆ، وتەپوۆ كوشەلەرى جانە بۇقار جىراۋ بۋلۆارى قامتيدى
اۋدان اكىمدىگىنىڭ مالىمەتىنشە، وتكەن جىلى 6 ماگيسترالدى كوشەدە تەحنيكالىق تروتۋارلار سالىنعان. ولار: اباي داڭعىلى، بايزاقوۆ كوشەسى، ءال-فارابي داڭعىلى، سەركەبايەۆ داڭعىلى، جاروكوۆ كوشەسى جانە تيميريازيەۆ كوشەسى.
«تەحنيكالىق تروتۋار جاياۋ جۇرگىنشىلەر مەن كولىك قوزعالىسىن ناقتى ءبولىپ، جول-كولىك وقيعالارىنىڭ ءقاۋپىن ازايتادى. ءبىز تۇرعىندار ءۇشىن بارىنشا ىڭعايلى جاعداي جاساۋعا تىرىسامىز»، – دەدى اۋداننىڭ ينجەنەرلىك جانە جول ينفراقۇرىلىمى ءبولىمىنىڭ وكىلدەرى.
ولاردىڭ مالىمەتىنشە، جۇمىس جىل بويى جالعاسادى.
تەحنيكالىق تروتۋار ماگيسترالدى كوشەلەردە ورنالاسقاندىقتان، ول توپىراقتىڭ شايىلۋىنا جول بەرمەيدى، قاردى ساپالى تۇردە تازالاۋعا مۇمكىندىك بەرەدى. سونىمەن قاتار، مۇنداي تروتۋارلار سۋ اعىزۋ ماسەلەسىن شەشىپ، نوسەر جاڭبىر كەزىندە كوشەلەردىڭ سۋ استىندا قالۋىن بولدىرمايدى.
بۇعان قوسا، بيىل جولداردى اعىمداعى جوندەۋ جۇمىستارى جالعاسادى. قازىرگى ۋاقىتتا مەردىگەر ۇيىمدى انىقتاۋ بويىنشا بايقاۋ راسىمدەرى قولعا الىنعان. جوندەۋ جۇمىستارى كەلىسىمشارت جاسالعاننان كەيىن باستالادى.