كۆادروكوپتەرلەرمەن (دروندارمەن) جۇمىس ىستەۋگە باۋلۋ –مەكتەپتەردىڭ قازىرگى زامانعى وقۋ ۇدەرىسىنە بەلسەندى ەنگىزىلىپ جاتقان روبوتوتەحنيكا اياسىنداعى باعىتتاردىڭ ءبىرى.
بۇگىندە ەلىمىزدەگى 1100 مەكتەپتە STEM-زەرتحانالار بازاسىندا درونداردى باسقارۋ ۇيىرمەلەرى اشىلدى. بۇل ۇيىرمەلەردە وقۋشىلار درونداردى قۇراستىرۋ مەن باعدارلامالاۋ داعدىلارىن مەڭگەرىپ، تەحنيكالىق ويلاۋ قابىلەتىن، ينجەنەرلىك ماشىقتارىن جانە پراكتيكالىق داعدىلارىن دامىتادى، دەپ حابارلايدى aqshamnews.kz.
مۇنداي ۇيىرمەلەرگە قاتىساتىن وقۋشىلار روبوتوتەحنيكا بويىنشا ءتۇرلى جارىستارعا بەلسەنە قاتىسۋدا. جۋىردا ۇلتتىق Aspan Drone Competition ءتۋرنيرىنىڭ جەڭىمپازدارى قازاقستان نامىسىن حالىقارالىق دەڭگەيدە قورعايتىن بولادى.
سونىمەن قاتار ەلىمىز بويىنشا 24 جاس تەحنيكتەر ستانسياسى مەن تەحنيكالىق شىعارماشىلىق ورتالىعى جۇمىس ىستەپ تۇر. بۇل ورتالىقتاردا بالالاردىڭ ينجەنەرلىك جانە ونەرتاپقىشتىق قابىلەتتەرىن دامىتۋعا باعىتتالعان جۇيەلى جۇمىستار جۇرگىزىلۋدە.
ال بيىل تەحنيكالىق جانە كاسىپتىك ءبىلىم بەرۋ ۇيىمدارىندا سۇرانىسقا يە جاڭا ماماندىق – درون وپەراتورى بويىنشا مامانداردى دايارلاۋ ءىسى باستالادى.
ەلىمىزدىڭ 1100 مەكتەبىندە درونداردى باسقارۋدى ۇيرەتەدى
- اۆتور aqshamnews.kz
- 15:27، 08 ءساۋىر 2025
سۋرەت: Gov.kz