ەلىمىزدەن سۇيىلتىلعان گازدى شىعارۋعا تاعى جارتى جىل شەكتەۋ قويىلماق

بۇيرىق 14 مامىردان باستاپ قولدانىسقا ەنگىزىلەدى. 

قازاقستاندا سۇيىتىلعان مۇناي گازىن شىعارۋعا تاعى جارتى جىلعا تىيىم سالىنادى، دەپ حابارلايدى اlmaty-akshamy.kz. 

"قازاقستان رەسپۋبليكاسىنىڭ اۋماعىنان سۇيىتىلعان مۇناي گازىن (ەاەو سەق تن كودى – 2711 12 970 0)، پروپاندى (ەاەو سەق تن كودى – 2711 12 940 0) جانە بۋتاندى (ەاەو سەق تن كودى – 2711 13 970 0) اۆتوموبيل جانە تەمىرجول كولىگىمەن شىعارۋعا التى اي مەرزىمگە تىيىم ەنگىزىلسىن"، – دەلىنگەن ەنەرگەتيكا ءمينيسترىنىڭ بۇيرىعىندا.

تىيىم سالىنبايدى:

1) "سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى" قازاقستان رەسپۋبليكاسى كودەكسىنىڭ (سالىق كودەكسى) 722-بابىنىڭ 1-تارماعىنا سايكەس سالىق رەجيمىنىڭ تۇراقتىلىعىنا يە، ءونىمدى ءبولۋ تۋرالى كەلىسىم (كەلىسىمشارت) نە قازاقستان رەسپۋبليكاسىنىڭ پرەزيدەنتى بەكىتكەن جەر قويناۋىن پايدالانۋ كەلىسىمشارتى شەڭبەرىندە ءوندىرىستى جۇزەگە اسىرعان جەر قويناۋىن پايدالانۋشىلاردىڭ شىعارۋىنا؛

2) قاراشىعاناق كەن ورنىندا قازاقستاندىق شيكىزاتتان وندىرىلگەن (قايتا وڭدەلگەن) تاۋارلاردى قازاقستان رەسپۋبليكاسىنىڭ حالىقارالىق شارتتارى نەگىزىندە شىعارۋعا؛

3) قازاقستان رەسپۋبليكاسىنان تىس جەرلەردە باستالاتىن جانە اياقتالاتىن ورنى اۋىستىرىلاتىن ترانزيتتىك تاسىمالدارعا.

بۇيرىق 14 مامىردان باستاپ قولدانىسقا ەنگىزىلەدى.