قارجى كولەمى 33 ميلليون رۋبل بولعان.
قازاقستاننان 33 ميلليون رۋبل قولما-قول اقشا الىپ كەتپەك بولعاندار ۇستالدى، دەپ حابارلايدى Almaty-akshamy.kz Tengrinews.kz-كە سىلتەمە جاساپ.
ۇقك شەكارا قىزمەتىنىڭ قوستاناي وبلىسى بويىنشا دەپارتامەنتىنىڭ مالىمەتىنشە، 17 ساۋىردە "قايراق" اۆتوموبيل وتكىزۋ پۋنكتىندە قازاقستاندىق ازامات تىزگىندەگەن Toyota Land Cruiser 200 اۆتوكولىگىن تەكسەرۋ ءىس-شارالارى بارىسىندا 33 ميلليون رۋبل مولشەرىندە 404 858 دوللارعا تەڭ اقشالاي قاراجات تابىلعان.
"ق ر پرەزيدەنتىنىڭ 2022 جىلعى 14 ناۋرىزداعى "قازاقستان رەسپۋبليكاسىنىڭ قارجىلىق تۇراقتىلىعىن قامتاماسىز ەتۋ جونىندەگى شارالار تۋرالى" جارلىعىنا سايكەس، شەتەل ۆاليۋتاسىن، التىن قۇيمالار مەن مونەتالاردى قازاقستان رەسپۋبليكاسىنان اكەتۋگە تىيىم سالىندى. اتالعان فاكت بويىنشا قۇزىرەتتى ورگاندار حاباردار ەتىلدى"، - دەپ حابارلادى ۇقك شق قوستاناي وبلىسى بويىنشا دەپارتامەنتى.