قازاقستاندىق سۋ سالاسىنىڭ ماماندارى جاپونيانىڭ حالىقارالىق ىنتىماقتاستىق اگەنتتىگىنىڭ قولداۋىمەن جاپونيادا ەكى ايلىق كۋرستان ءوتتى، دەپ حابارلايدى aqshamnews.kz
وقۋ كۋرسىندا cۋدى تازارتۋدىڭ وزىق تەحنولوگيالارى، سۋ تازارتۋ قوندىرعىلارىنىڭ قۇرىلىسىن جوسپارلاۋ جانە باسقارۋ، سۋ تاراتۋ قۇبىرلار جەلىسىن كومپيۋتەرلىك باقىلاۋ جانە سۋ سۇرانىسىن بولجاۋ تاقىرىپتارى بويىنشا ءدارىس وقىلدى. سونداي-اق، ساپپورو، سەنداي، كوبە جانە توكيو قالالارىنداعى سۋ تازالاۋ ستانسيالارىنا، بولات جانە پلاستماسسا قۇبىرلار شىعاراتىن زاۋىتتارعا ءىسساپار ۇيىمداستىرىلدى.
«كۋرس باعدارلاماسى وتە اۋقىمدى بولدى. دارىستەردەن بولەك، سۋ تاراتۋ قۇبىرلارىن جالعاۋ جانە جوندەۋ، سۋدىڭ سىناماسىن الۋ جانە تاعى دا باسقا تاقىرىپتاردا پراكتيكالىق جاتتىعۋلار ورىندادىق. الداعى ۋاقىتتا، جاپونيا ەلىنەن جيناعان تاجىريبەمدى تۇرعىنداردى اۋىز سۋمەن قامتاماسىز ەتەتىن مەكەمە قىزمەتكەرلەرىمەن ءبولىسۋدى جوسپارلاپ وتىرمىن»،- دەدى ارال-سىرداريا باسسەيندىك ينسپەكسياسىنىڭ سۋ پايدالانۋدى باسقارۋ جانە رەتتەۋ ءبولىمىنىڭ باس مامانى فاريزا مادەنوۆا.