ەلىمىزدەگى قىزعىلت ءتۇستى كول نەلىكتەن تارتىلىپ قالدى؟

پاۆلوداردىڭ ىرگەسىندەگى قىزعىلت كولدى تۇز وندىرۋشىلەر كەپتىرىپ جىبەردى دەگەن ءسوز بەكەر.

ەكولوگيا جانە تابيعي رەسۋرستار ءمينيسترى باستاعان ارنايى كوميسسيا كورياكوۆ كولىنە باردى، دەپ حابارلايدى Almaty-akshamy.kz Qazaqstan.tv سايتىنا سىلتەمە جاساپ. 

بۇرىن بۇل كول قىزعىلت تۇسكە بويالىپ تۇراتىن. ءقازىر سۋى تارتىلىپ، تۇزى بەتىنە شىعىپ جاتىر. ءبىراق بۇدان ەش قاتەر جوق دەيدى ماماندار.

«ءبىزدىڭ پايىمداۋىمىزشا كولدىڭ سۋى ازايعاندىقتان ءتۇسى دە وزگەرىپ وتىر. بۇدان ەكولوگياعا ەش ءقاۋىپ جوق. سۋى تومەن تۇسكەن سوڭ تۇزى اپپاق بولىپ جاتىر. بۇل كولدى بىلەمىز. ءتۇسى وزگەرىپ وتىرادى»، - دەيدى ق ر ەكولوگيالىق اۋديتورلار پالاتاسىنىڭ مۇشەسى احان ومىربەك.

راۋشان قۇسايىن قىزى 60 جىلدان بەرى كول جاعاسىنداعى اۋىلدا تۇرادى. تۇز الۋ ءۇشىن بۇل جاققا بوگدە ادامدار كەلگەن ەمەس دەيدى. ياعني سۋ ايدىنىنا تۇرعىنداردىڭ زيانى تيمەدى دەپ ەسەپتەيدى.

«ءۇش جىلدان بەرى قىس بولعان جوق. قار جوق. جاڭبىر جوق. سوندىقتان وسىنداي. ءبىزدىڭ كەزىمىزدە وسىنداي بولعان تۇز»، - دەيدى كورياكوۆكا اۋىلىنىڭ تۇرعىنى راۋشان قۇسايىن قىزى. 

بۇل عانا ەمەس، پاۆلودار جانە ۋسپەنكا اۋدانى اۋماعىنداعى كولدەردىڭ دە سورتاڭى شىعىپ جاتىر. سەبەبى، مامىر ايىنان بەرى ايماقتا جاۋىن جوق، كۇن ىستىق. سوندىقتان ەكولوگيا مينيسترلىگى كول سۋىنىڭ تارتىلىپ كەتۋىنىڭ باسقا سەبەبىن ىزدەمەيمىز دەيدى.

«مينيسترلىك تاراپىنان بۇل كولدى قورعاۋعا ەشقانداي قارجى قاراستىرىلماعان. ارتەميي قۇرتى بۇل جەردە جوق. سوندىقتان جانۋارلار الەمى ءۇشىن دە، ەكولوگيالىق تۇرعىدان دا ەش قاتەرى بولمايدى»، - دەيدى ق ر ەكولوگيا جانە تابيعي رەسۋرستار مينيسترلىگى ەكولوگيالىق رەتتەۋ كوميتەتى ءتوراعاسىنىڭ ورىنباسارى ەرمەك وماروۆ.

ءۇش جىل بۇرىن استانانىڭ ىرگەسىندەگى كوبەيتۇز كولىندە ءدال وسىنداي جاعداي بولعان. ءبىر جىل ىشىندە كول تۇتاس قۇرعاپ، تامتىعى دا قالمادى. ال، كورياكوۆكا كولى جاڭبىر سۋىمەن نەمەسە قار قالىڭ تۇسسە قايتا قالپىنا كەلۋى ءتيىس دەيدى وسى اۋىلدىڭ تۇرعىندارى.