باعدارلاماعا جەكە مەنشىك كوللەدجدەردىڭ ستۋدەنتتەرى دە قاتىسا الادى.
ەلىمىزدەگى كوللەدج ستۋدەنتتەرى ءۇشىن الماسۋ باعدارلاماسى بويىنشا گەرمانيادا ءبىلىم الۋعا مۇمكىندىك بەرىلەدى، دەپ حابارلايدى Almaty-akshamy.kz
ق ر وقۋ-اعارتۋ مينيسترلىگىنىڭ «Talap» كەاق پەن «Fav service gGmbH» نەمىس كومپانياسى وسى تۋرالى كەلىسىمگە كەلدى.
ۆەدومستۆونىڭ مالىمەتىنشە، تاراپتار قازاقستاندا تەحنيكالىق جانە كاسىپتىك ءبىلىم بەرۋدى دامىتۋعا باعىتتالعان بىرلەسكەن ءىس-شارالاردى ۇيىمداستىرۋدى جوسپارلاپ وتىر.
قازاقستاندىق ستۋدەنتتەرگە گەرمانيانىڭ 60 مىڭ وندىرىستىك كاسىپورنىنىڭ كەز كەلگەنىندە تاعىلىمدامادان وتۋگە مۇمكىندىك بەرەتىن دۋالدى ءبىلىم بەرۋ باعدارلاماسىنا ەرەكشە نازار اۋدارىلاتىن بولادى.
«قازىرگى ۋاقىتتا تيۋرينگيا قالاسىنداعى كوللەدجدەرمەن ىنتىماقتاستىق ماسەلەسى پىسىقتالۋدا. ولاردىڭ ءبىلىم بەرۋ مودەلىن زەردەلەپ، اكادەميالىق موبيلدىلىگىمىزدى پايدالانعاننان كەيىن، الماسۋ باعدارلاماسىنا مەكتەپ تۇلەكتەرى، كوللەدج ستۋدەنتتەرى قاتىسا الادى»، - دەدى وقۋ-اعارتۋ مينيسترلىگى تەحنيكالىق جانە كاسىپتىك ءبىلىم دەپارتامەنتىنىڭ ديرەكتورى اسەت مۇحانبەتوۆ.
باعدارلاماعا جەكە مەنشىك كوللەدجدەردىڭ ستۋدەنتتەرى دە قاتىسا الادى. سونداي-اق كوللەدج پەداگوگتەرى ءۇشىن وقىتۋ سەمينارلارىن وتكىزۋ جوسپارلانۋدا.