قاراجاتتى مينيسترلىك پەن ەۋروپالىق ينۆەستيسيالىق بانك اراسىندا قول قويىلعان مەموراندۋم شەڭبەرىندە تارتۋ جوسپارلانۋدا
مينيستر مارات قارابايەۆ بريۋسسەلدە ەيب ۆيسە-پرەزيدەنتى تەرەزا چەرۆينسكايامەن كەزدەستى، دەپ حابارلايدى اlmaty-akshamy.kz. تاراپتار ەۋروپا مەن ورتالىق ازيا اراسىنداعى كولىك بايلانىستارىن دامىتۋدىڭ نەگىزگى اسپەكتىلەرى تۋرالى كەلىسسوزدەر جۇرگىزدى، سونداي-اق قازاقستاننىڭ اۆتوموبيل جولدارىنىڭ وتكىزۋ قابىلەتتىلىگىنە جاردەمدەسۋ ءۇشىن بەرىلەتىن قاراجاتقا قاتىستى ءوزارا تۇسىنىستىك تۋرالى مەموراندۋمدى تالقىلادى.
ايتا كەتەرلىگى، بۇعان دەيىن قازاقستان ەيب-پەن ءبىرقاتار مەموراندۋم جاساسقان بولاتىن، بۇل ەلگە قوسىمشا ينۆەستيسيالاردى قامتاماسىز ەتۋى ءتيىس.
كەزدەسۋ قورىتىندىسى بويىنشا تەرەزا چەرۆينسكايا ەيب پەن قازاقستان اراسىنداعى قاتىناستاردى كولىك الەۋەتى تۇرعىسىنان ودان ءارى دامىتۋعا نيەت ءبىلدىردى. بۇل وقيعا ءوزارا ءتيىمدى ىنتىماقتاستىقتى نىعايتۋداعى ماڭىزدى قادام بولادى جانە قازاقستاننىڭ كولىك سالاسىنا ينۆەستيسيالار تارتۋعا ىقپال ەتەدى دەپ كۇتىلۋدە.