ەلىمىزدەگى جاڭا پاتەردىڭ كوبى مەگاپوليستەرگە تيەسىلى

الىپ شاھارلاردىڭ جيىنتىق ۇلەسى 81%-عا جەتىپ تۇر. 

قر-داعى ون جاڭا پاتەردىڭ سەگىزى استانا مەن الماتىدا، دەپ حابارلايدى Almaty-akshamy.kz

ق ر سجرا ۇسب دەرەكتەرى بويىنشا ساۋىردە ەكى قالادا كوپپاتەرلى ۇيلەردەن 6،5 مىڭ پاتەر پايدالانۋعا بەرىلگەن، ونىڭ 4 مىڭى استاناعا تيەسىلى. 

ق ر بويىنشا بارلىعى 8 مىڭ پاتەر پايدالانۋعا بەرىلگەن، ياعني مەگاپوليستەردىڭ جيىنتىق ۇلەسى 81%-عا جەتىپ تۇر. سالىستىرمالى تۇردە، ءبىر جىل بۇرىن 75%، ال 2023 جىلدىڭ ورتاشا ايلىق دەڭگەيى 60% بولعان. قازىرگى كورسەتكىش كەم دەگەندە 2019 جىلدىڭ باسىنان بەرى كەز كەلگەن ايدىڭ ەڭ جوعارى كورسەتكىشى بولىپ تۇر. 

ساۋىردە استانادا پايدالانۋعا بەرىلگەن پاتەرلەر سانى جىلدان جىلعا 36%-عا، الماتىدا ەكى ەسەگە ارتقان. جالپى ەلىمىز بويىنشا، ەكى استانانى قوسپاعاندا،  پايدالانۋعا بەرۋ كورسەتكىشى دە وسكەن، ءبىراق اسا كوپ ەمەس - 8%. 

ەندى جىل باسىنان بەرگى سانداردى قاراستىرايىق. ق ر بويىنشا 4 ايدا كوپپاتەرلى ۇيلەردەن بارلىعى 33،4 مىڭ پاتەر پايدالانۋعا بەرىلگەن، ونىڭ ىشىندە الماتىدان - 7،3 مىڭ، استانادان - 15،2 مىڭ. ەكى قالانىڭ ۇلەسى بىرگە 67%-دى قۇرادى، بۇل دا كەم دەگەندە سوڭعى بەس جىلداعى وسى كەزەڭ ءۇشىن ەڭ جوعارى كورسەتكىش بولىپ تۇر.