سۋ رەسۋرستارى جانە يرريگاسيا مينيسترلىگى ەلىمىزدەگى ەڭ ءىرى توپتىق سۋ قۇبىرلارى جايلى اقپارات ۇسىندى، دەپ حابارلايدى aqshamnews.kz.
ارال-سارىبۇلاق توپتىق سۋ قۇبىرى. جالپى ۇزىندىعى - 2583،53 شاقىرىم. تولاعاي جەراستى قويناۋىنان سۋ تاسىمالدايتىن توپتىق سۋ قۇبىرى 1986 جىلى قولدانىسقا بەرىلدى. بۇگىنگى تاڭدا قىزىلوردا وبلىسىنداعى 163 مىڭنان استام تۇرعىنى بار 61 اۋىلدى اۋىز سۋمەن قامتاماسىز ەتىپ وتىر.
بۋلايەۆ توپتىق سۋ قۇبىرى. جالپى ۇزىندىعى - 2027،64 شاقىرىم. 1962 جىلى پايدالانۋعا بەرىلگەن قۇبىر تاۋلىگىنە 60 مىڭ تەكشە مەتر سۋ جىبەرە الادى. توپتىق سۋ قۇبىرى سەرگەيەۆ سۋ قويماسىنان باستالىپ، سولتۇستىك قازاقستان وبلىسىنىڭ 6 اۋدانى: قىزىلجار، اقجار، اققايىڭ، م.جۇمابايەۆ، تايىنشا جانە مامليۋت ارقىلى وتەدى. بۇگىنگى تاڭدا 95 مىڭنان استام تۇرعىنى بار 136 اۋىلدى سۋمەن قامتاماسىز ەتىپ وتىر.
سارىاعاش توپتىق سۋ قۇبىرى. جالپى ۇزىندىعى – 896،60 شاقىرىم. 2004 جىلى قولدانىسقا بەرىلگەن توپتىق سۋ قۇبىرى كەلەس وزەنى مەن تاشقۇلاق كانالىنان سۋ الادى. بۇگىنگى تاڭدا 147 مىڭنان استام حالقى بار 30 ەلدى مەكەندى اۋىز سۋمەن قامتاماسىز ەتىپ وتىر.
كامەنسكيي توپتىق سۋ قۇبىرى. جالپى ۇزىندىعى – 307،414 شاقىرىم. ورال قالاسىنىڭ وڭتۇستىگىندەگى سەرەبرياكوۆ جەراستى قويناۋىنان سۋ جەتكىزۋ ءۇشىن سالىنعان توپتىق سۋ قۇبىرى 1982 جىلى پايدالانۋعا بەرىلدى. بۇگىنگى تاڭدا 25 مىڭعا جۋىق تۇرعىنى بار 19 ەلدى مەكەندى اۋىز سۋمەن قامتىپ وتىر.
جايرەم-قاراجال توپتىق سۋ قۇبىرى. جالپى ۇزىندىعى – 117،4 شاقىرىم. تۇزكولدەن سۋ تارتۋ ماقساتىندا سالىنعان توپتىق سۋ قۇبىرى 2019 جىلى پايدالانۋعا بەرىلدى. بۇگىنگى تاڭدا ول 174 مىڭعا جۋىق ادامدى اۋىز سۋمەن قامتاماسىز ەتەدى.