«تازا قازاقستان» رەسپۋبليكالىق ەكولوگيالىق اكسياسى اياسىندا ەسترادا جۇلدىزدارى مەن وقۋشىلار «الماتى جازى» ەكولوگيالىق ەستافەتاسىنا قاتىستى، دەپ حابارلايدى aqshamnews.kz
- «ەسترادا جۇلدىزدارى مەن وقۋشىلار «الماتى جازى» ەكولوگيالىق ەستافەتاسىنا قاتىستى
- الماتىدا بارلىق اۋداندا مەگاپوليس قوناقتارى مەن تۇرعىندار باراتىن ەڭ تانىمال ورىنداردا «الماتى جازى» اۋقىمدى ەكولوگيالىق ەستافەتاسى ءوتىپ جاتىر. تاۋعا، وزەن جاعالاۋى، ساياباقتار مەن سكۆەرلەرگە ەرەكشە نازار اۋدارىلادى.
- تابيعاتقا، جالپىقالالىق نىساندارعا ۇقىپتى قاراۋ مادەنيەتىن قالىپتاستىرۋعا باعىتتالعان ەكولوگيالىق ءىس-شارالاردىڭ جاڭا كەزەڭ نىساندارىنىڭ ءبىرى ماقاتايەۆ اتىنداعى سكۆەر.
- قالانىڭ بەلسەندى تۇرعىندارى، ولاردىڭ اراسىندا «دامۋ بالا» شىعارماشىلىق جانە سپورت سەكسياسىنا باراتىن بالالار سكۆەر اۋماعىن تازالاپ، ءشوبىن شابىپ، تال-شىلىكتى كەسىپ، اقىننىڭ ەسكەرتكىشىن جۋدى.
- سونىمەن قاتار، بالالار ءۇشىن سكۆەردە اشىق اسپان استىنداعى كىتاپحانادا ءدارىس وتكىزىلدى. وقۋشىلارعا بۋككروسسينگ تۋرالى ايتىلدى، سونداي-اق وتانعا دەگەن سۇيىسپەنشىلىك پەن پاتريوتيزم تاقىرىبىندا وتاندىق اۆتورلار جازعان كىتاپتار ۇسىنىلدى.
«وزدەرىڭىزگە ءمالىم، مۇقاعالي ماقاتايەۆتىڭ شىعارماشىلىعىندا وسى سكۆەردىڭ اتىمەن اتالعان وتان تاقىرىبى ەرەكشە ورىندا. «مەنىڭ وتانىم» ولەڭىندە اقىن: «مەن ءارقاشان ءوز وتانىم — قازاقستاندى جىرلايمىن» دەيدى. ءبىز ونىڭ جاقسىلىق جاساۋعا، وتانعا پايدامىزدى تيگىزۋگە، ونىڭ شىنايى پاتريوتى بولۋعا ۇندەگەن داۋىسىن ەستىگەندەي بولامىز. سوندىقتان، تازالىقتى ساقتاۋعا باعىتتالعان «تازا قازاقستان» سياقتى اكسيالارعا قاتىسا وتىرىپ، وزىمىزدەگى وتانعا دەگەن سۇيىسپەنشىلىكتى تاربيەلەيمىز»، - دەدى «الماتى جازى» ەكوەستافەتىنە قاتىسۋشىلارعا ا.پ.چەحوۆ اتىنداعى ورتالىق قالالىق كىتاپحانانىڭ كىتاپحاناشىسى مارجان بەكتۇرعان.
سونداي-اق، ەكوەستافەتاعا «تازا قازاقستان» رەسپۋبليكالىق اكسياسىن قولداۋ ءۇشىن سكۆەرگە ارنايى كەلگەن قازاقستاندىق ەسترادا جۇلدىزدارى قاتىستى. اتاپ ايتساق، ولار ق ر ەڭبەك سىڭىرگەن ءارتيسى باقتيار تايلاقبايەۆ؛ سيرك ءارتيسى، ق ر ەڭبەك سىڭىرگەن قايراتكەرى مۇرات مۇتىرعانوۆ؛ اكتريسا، تەلەجۇرگىزۋشى، پروديۋسەر ايگەرىم قالمۇراتوۆا؛ ءانشى، كومپوزيتور وكتەم التايەۆ؛ ق ر ەڭبەك سىڭىرگەن قايراتكەرى نۇركەن ءاشىروۆ؛ كۇيشى-دومبىراشى اسىلبەك ەڭسەپوۆ؛ «الماتى اۋەندەرى» ديرەكتورى قايسار سارىبايەۆ.
مۇنداي اكسيالاردى جالپى قوعام ءۇشىن پايدالى دەپ سانايتىن مۇرات مۇتىرعانوۆ ەكولوگيالىق تاربيەنىڭ ماڭىزى تۋرالى ايتتى.
«مەنىڭ ويىمشا، ءبىز بارلىق ماسەلەنى بىرەۋگە ارتا سالا المايمىز. ەگەر قالامىزدى شىنىمەن وزگەرتكىمىز، ونى تازا، ادەمى ەتكىمىز كەلسە، وزىمىزدەن باستاۋىمىز كەرەك. پاتەرىڭىزدەن، كىرەبەرىسىڭىزدەن، اۋلاڭىزدان باستاڭىز. ەگەر ءبىز ونى وسىلاي اقىرىنداپ رەتكە كەلتىرسەك، وندا، نەگىزىنەن قالامىزدى جاقسى جاققا وزگەرتە الامىز. سوندىقتان ءبارى وزىنەن باستالادى، سودان كەيىن وزگەلەرگە ايتۋعا بولادى»، - دەيدى ارتيست مۇتىرعانوۆ.
قازاقستاننىڭ ەڭبەك سىڭىرگەن ءارتيسى باقتيار تايلاقبايەۆ ءاربىر تۇرعىن تازالىق پەن ءتارتىپ ساقتاۋعا ۇلەس قوساتىنىن اتاپ ءوتتى.
«بۇگىن كەرەمەت كۇن! «الماتى اۋەندەرى» ۇجىمىمەن بارلىعىمىز «الماتى جازى» ەكوەستافەتاسىنا قاتىسىپ جاتىرمىز. رەسپۋبليكامىزدا قازاقستان بويىنشا تازا ەل – «تازا قازاقستان» اۋقىمدى جوباسىنىڭ اكسياسى وتۋدە. بۇعان وتە قۋانىشتىمىز. ءبىزدىڭ جازىمىز ادەمى بولسىن. الماتى قالامىز ءارقاشان تازا بولسىن!»،- دەدى ول.
پروديۋسەر ايگەرىم قالمۇراتوۆا مەن كومپوزيتور وكتەم التايەۆ تا قالا تۇرعىندارىن وسى باستامانى قولداۋعا شاقىردى.
«ءبىز «تازا قازاقستان» اكسياسى اياسىندا بىرىگىپ وتىرمىز. مەنىڭ ويىمشا، بۇل وتە كەرەمەت اكسيا. الماتىنىڭ وركەندەۋى تەك جاستاردىڭ عانا ەمەس، اعا بۋىننىڭ دا قولىندا. ەگەر قالا تازا بولسا، ءومىر تازا بولادى. بارلىق الماتىلىقتى، قازاقستاندىقتى «تازا قازاقستان» اكسياسىنا بىرىگۋگە شاقىرامىز»، - دەدى ەكوەستافەتاعا قاتىسۋشىلار.
400 مىڭنان استام قالا تۇرعىنى قاتىسقان كوكتەمدە باستالعان «الماتى – ءبىزدىڭ ورتاق ءۇيىمىز» ناۋقانى «الماتى جازى» جازعى ەكواكسياسىمەن جالعاستى. قالانى كورىكتەندىرۋ بويىنشا اۋقىمدى اكسيا اياسىندا سۋبۇرقاقتار، وزەندەر، سۋ ايدىندارى مەن جاعالاۋ ايماقتارى تازارتىلدى.
ەستەرىڭىزگە سالا كەتەيىك، «تازا قازاقستان» باستاماسىن ءتيىمدى ىسكە اسىرۋ ماقساتىندا 2024 جىلى 19 شىلدەدە الماتى ءماسليحاتىنىڭ دەپۋتاتتارى قالا اۋماعىن كورىكتەندىرۋدىڭ جاڭا ەرەجەسىن بەكىتتى. نورماتيۆتىك قۇجات قۇقىقتىق مارتەبەسى مەن شارۋاشىلىق نىسانىنا قاراماستان زاڭدى تۇلعالاردى، سونداي-اق اۋلا مەن قوعامدىق اۋماقتى كورىكتەندىرۋگە جاۋاپتى لاۋازىمدى تۇلعالار ءۇشىن قالا اۋماعىن اباتتاندىرۋ ءتارتىبى ايقىندالعان.
بۇل ءىس-شارالار «تازا قازاقستان» رەسپۋبليكالىق اكسياسىنىڭ ماقساتى مەن مىندەتىنە ساي كەلەتىن ءقاۋىپسىز، ىڭعايلى ءارى ەكولوگيالىق جايلى قالالىق ورتا قۇرۋعا باعىتتالعان.