ەلىمىزدەگى ەڭ ارزان پاتەرلەر قاي قالالاردا؟

ەڭ قىمبات قالالار اراسىندا الماتى، استانا جانە شىمكەنت كوش باستاپ تۇر.

اقتاۋدا باسپانانىڭ ءبىر شارشى مەترىنىڭ باعاسى وتكەن جىلى 11،5 پايىزعا ءوسىپ، 301 725 تەڭگەنى قۇراعان، دەپ حابارلايدى Almaty-akshamy.kz Elorda.info سايتىنا سىلتەمە جاساپ. 

Azattyq Ruhy سايتىنىڭ جازۋىنشا، ودان ارزان پاتەرلەر قىزىلوردا مەن اقتوبەدە ورنالاسقان: ءبىر شارشىنىڭ باعاسى  234 750 جانە 292 025 تەڭگەنى قۇرادى.

اقتوبەدە باسپانا ارزان بولعانمەن، وتكەن جىلى قىمباتتاپتى. مۇندا 2022 جىلدىڭ قاڭتار-جەلتوقسان ايلارى ارالىعىندا باعا 21 پايىزعا وسكەن. بىلتىر وسى ۋاقىتتا پاتەر قۇنى 9،6 ملن تەڭگە بولسا، ءقازىر ونىڭ قۇنى 12 ملن تەڭگەگە جۋىق.

باسپانا قۇنى قىمباتتاعان قالالاردىڭ اراسىندا ەكىنشى ورىندا سەمەي تۇر. مۇنداعى پاتەرلەر 2،5 ميلليون تەڭگەگە وسكەن.

ءۇشىنشى ورىندا – قوستاناي. بۇل قالادا، ماسەلەن، ءبىر بولمەلى پاتەر 1،8 ملن تەڭگەگە قىمباتتاپتى.

ال باسپانا جاعىنان ەڭ قىمبات قالالار اراسىندا الماتى، استانا جانە شىمكەنت كوش باستاپ تۇر. 2022 جىلدىڭ اياعىندا بۇل قالالاردا ءبىر شارشى مەترىنىڭ قۇنى تيىسىنشە 698 125 تگ، 483 000 تگ جانە 425 900 تگ بولعان.