ق ر تۋريزم جانە سپورت مينيسترلىگى "قازاقستان رەسپۋبليكاسىنىڭ كەيبىر زاڭنامالىق اكتىلەرىنە دەنە شىنىقتىرۋ جانە سپورت، سونداي-اق نورمالاردىڭ ارتىق (شامادان تىس) زاڭنامالىق رەگلامەنتتەلۋىن بولعىزباۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى" زاڭ جوباسىن ازىرلەدى، دەپ حابارلايدى aqshamnews.kz
قۇجاتتا ەلىمىزدىڭ سپورت سالاسىندا جاڭا ىرىكتەۋ جۇيەسىن ەنگىزۋ قاراستىرىلعان. زاڭ جوباسىنا سايكەس، باسىم سپورت تۇرلەرى ولاردىڭ الەمدىك رەيتينگتەرى نەگىزىندە ەمەس، وليمپيادا، پاراليمپيادا، سۋردليمپيا، ازيا جانە پارا ازيا ويىندارىندا ۇلتتىق قۇراما كوماندالارىنىڭ كورسەتكەن ناتيجەلەرى بويىنشا ىرىكتەلەتىن بولادى. وسىلايشا ەلىمىزدىڭ سپورتشىلارىن حالىقارالىق ارەنالاردا باسەكەگە قابىلەتتى ەتۋ ءۇشىن ناقتى جانە ناتيجەگە باعىتتالعان ساياسات جۇزەگە اسىرىلماق.