بۇل تۋرالى ۇسىنىستى ءقازىر سيفرلىق دامۋ مينيسترلىگى قاراستىرىپ جاتىر.
باسەكەلەستىكتى قورعاۋ جانە دامىتۋ اگەنتتىگى سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگىنە بايلانىس قىزمەتتەرىن كورسەتۋ قاعيداسىنا ازاماتتاردىڭ قۇقىعىن قورعاۋ ماقساتىندا وزگەرىستەر ەنگىزۋ تۋرالى ۇسىنىس جولدادى، دەپ حابارلايدى Almaty-akshamy.kz
بۇعان دەيىن باسەكەلەستىكتى قورعاۋ جانە دامىتۋ اگەنتتىگى (بقدا) ۇيالى بايلانىس وپەراتورلارىنىڭ تاريفتىك جوسپارعا ەنگىزىلگەن قىزمەتتەر كولەمىن ءبىرجاقتى وزگەرتۋ ارەكەتتەرىنە قاتىستى ازاماتتاردان وتىنىشتەر تۇسكەن.
"ماتەريالداردى تالداعاننان كەيىن ۇيالى بايلانىس وپەراتورلارى تاريفتىك جوسپارعا ەنگىزىلگەن قىزمەتتەر كولەمىنە ابونەنتتەر سۇرانىسىنا يە بولمايتىن شامالى وزگەرتۋلەر ەنگىزەتىنى انىقتالدى. بۇل رەتتە تاريفتىك جوسپاردىڭ قۇنى كوتەرىلەدى"، - دەلىنگەن بقدا حابارلاماسىندا.
وسىعان بايلانىستى باسەكەلەستىكتى قورعاۋ جانە دامىتۋ اگەنتتىگى بايلانىس سالاسىنداعى ۋاكىلەتتى ورگانعا بەلگىلى ءبىر ۇسىنىستار ازىرلەدى. اتاپ ايتقاندا، ۇسىنىس - اقىلعا قونىمدى شىعىندارعا بايلانىستى ونىڭ قۇنىن كوتەرۋدى قوسپاعاندا، ۇيالى بايلانىس وپەراتورلارىنىڭ تاريفتىك جوسپار شارتتارىن وزگەرتۋگە تىيىم سالۋدى بەلگىلەۋ.
ماقسات – ۇيالى بايلانىس وپەراتورلارىنىڭ ابونەنتتەرگە تالاپ ەتىلمەگەن قىزمەت كولەمىنىڭ باعاسىن تاڭۋىن بولدىرماۋ.
"ۇسىنىستار وپەراتورمەن شارت جاساسۋ كەزىندە ولار كەلىسىلگەن تاريفتىك جوسپارلاردىڭ شارتتارىن پايدالانۋعا قۇقىلى تۇتىنۋشىلاردىڭ قۇقىعىن قورعاۋ ماقساتىندا ازىرلەندى. ءوز كەزەگىندە تاريفتىك جوسپارىنىڭ شارتتارىمەن قاناعاتتانباعان ادام قولايلى شارتتارى بار باسقا تاريفتىك جوسپارعا اۋىسۋعا قۇقىلى"، دەيدى ق ر بقدا باسپا ءسوز قىزمەتى.