Ranking.kz كومپانياسى ءوڭىر اكىمدەرىنىڭ جاسى مەن ولاردىڭ وسى قىزمەتتە وتىرعان ۋاقىتىنا زەرتتەۋ جۇرگىزدى.
بيىلعى 17 قاڭتارداعى جاعداي بويىنشا، ق ر وڭىرلەرى اكىمدەرىنىڭ ورتاشا جاسى 52،7 جاستى قۇرادى، دەپ حابارلايدى Almaty-akshamy.kz.
ەلىمىزدىڭ ەڭ كارى اكىمى دانيال احمەتوۆ شىعىس قازاقستان وبلىسىن باسقارادى. اكىمنىڭ جاسى – 68،6-دا. ەكىنشى جانە ءۇشىنشى ورىندا جاڭادان قۇرىلعان جەتىسۋ وبلىسىن باسقارىپ وتىرعان بەيبىت يسابايەۆ (60،1 جاستا) پەن اقتوبە وبلىسىنىڭ اكىمى ەرالى توعجانوۆ (59،7 جاستا).
ەڭ جاس ءوڭىر اكىمى – مۇرات ايتەنوۆ (41،2 جاستا)، ول رەسپۋبليكالىق ماڭىزى بار شىمكەنت قالاسىن باسقارادى. جاس اكىمدەردىڭ قاتارىندا سونىمەن قاتار اتىراۋ وبلىسىنىڭ اكىمى سەرىك شاپكەنوۆ (43،5 جاس) پەن پاۆلودار وبلىسىنىڭ اكىمى اسايىن بايحانوۆ (44،1 جاس) تا بار.
ەلىمىزدەگى ەڭ جاس اكىم مۇرات ايتەنوۆ 38 جاسىندا قىزمەتكە كىرىسكەن. بۇل اكىمدەردىڭ قىزمەتكە كىرىسكەن ۋاقىتتاعى جاستارىنىڭ ىشىندە دە ەڭ جاسى. ايتەنوۆتىڭ ءوڭىر باسشىسى لاۋازىمىنداعى قىزمەت مەرزىمى 3 جىل. اتىراۋ جانە پاۆلودار وبلىستارىنىڭ اكىمدەرى دە قىزمەتكە كىرىسكەن كەزىندە ەڭ جاس اكىمدەردىڭ قاتارىندا بولدى: تيىسىنشە 42 جانە 44 جاس.
شىعىس قازاقستان وبلىسىن باسقارىپ وتىرعان دانيال احمەتوۆ بۇل قىزمەتتە 8،2 جىل (ەڭ ۇزاق مەرزىم) قىزمەت ەتتى. ول وبلىس اكىمى قىزمەتىنە 60 جاسىندا كىرىستى.
قازىرگى قىزمەتىندە ەڭ از ۋاقىت وتىرعان اكىم – استانا اكىمى جەڭىس قاسىمبەك پەن قاراعاندى وبلىسىنىڭ اكىمى ەرماعانبەت بولەكپايەۆ. ەكى اكىم دە جاقىندا – 2022 جىلدىڭ 8 جەلتوقسانىندا، ءبىر ايدان ءسال استام ۋاقىت بۇرىن عانا قىزمەتىنە كىرىستى.