بۇل تۋرالى اقپارات جانە قوعامدىق دامۋ مينيسترلىگىنىڭ اقپارات كوميتەتى حابارلادى.
قازاقستاندا زاڭعا قايشى 673 ينتەرنەت-رەسۋرس پەن سىلتەمەلەردى تاراتۋعا شەكتەۋ قويىلدى، دەپ حابارلايدى Almaty-akshamy.kz
اقپارات مينيسترلىگى رەسپۋبليكالىق جانە وڭىرلىك باسپا ب ا ق، تەلەارنالار، وتاندىق جانە شەتەلدىك رەسۋرستاردى باقىلاپ وتىرادى.
كوميتەت قازاقستان زاڭناماسىنىڭ تالاپتارىن ساقتاۋ تۇرعىسىنان الەۋمەتتىك مەديانى قوسا العاندا، اقپاراتتىق الاڭعا تۇراقتى نەگىزدە مونيتورينگ جۇرگىزەتىنىن اتاپ ءوتتى.
«2022 جىلعى 1-30 ءساۋىر ارالىعىندا «بايلانىس تۋرالى» زاڭنىڭ 41-1 بابى 1-1 تارماعىنا سايكەس ۋاكىلەتتى ورگاننىڭ ۇيعارىمىمەن 673 ينتەرنەت-رەسۋرس پەن سىلتەمەلەردى تاراتۋعا شەكتەۋ قويىلدى»، - دەلىنگەن حابارلامادا.
ولاردان مىناداي زاڭ بۇزۋشىلىقتار انىقتالدى:
ەكسترەميزمدى ناسيحاتتاۋ – 5؛
پورنوگرافيا تاراتۋ – 133؛
ەسىرتكى، پسيحوتروپتىق زاتتاردى، ولاردىڭ انالوگتارى مەن پرەكۋرسورلارىن ناسيحاتتاۋ – 20؛
ويىن بيزنەسى – 272؛
جارناما – 24؛
اكىمشىلىك قۇقىقبۇزۋشىلىق – 4؛
الاياقتىق – 197؛
بالانىڭ دەنساۋلىعىنا، ادامگەرشىلىك جانە رۋحاني دامۋىنا زيان كەلتىرەتىن اقپاراتتى ورنالاستىرۋ – 18.