ەلىمىزدە «OITEK» ساۋلەت عىلىمي-تاجىريبە ورتالىعى قۇرىلدى
«Oitek» ساۋلەت عىلىمي-تاجىريبە ورتالىعىنىڭ نەگىزىن قالاۋشى قازاقستاننىڭ ەڭبەك سىڭىرگەن قايراتكەرى، ەلتاڭبا اۆتورى، «ساۋلەت» كافەدراسىنىڭ پروفەسسورى جانداربەك مالىبەك ۇلى.
جاڭا ورتالىق ۇلتتىق ناقىشتىڭ نەگىزىندە ءوزىمىزدىڭ زاماناۋي ساۋلەت ونەرىن قالىپتاستىرۋعا باعىتتالعان، دەپ حابارلايدى Almaty-akshamy.kz
ول ءۇشىن تامىرى تەرەڭ تارتقان ءداستۇرلى قالا، اۋىل، قونىستانۋ مادەنيەتىن زەرتتەپ، ىرگەلى تەوريالىق جانە تاجىريبەلىك جۇمىستار جۇرگىزۋ كوزدەلىپ وتىر. ياعني، ەل يگىلىگى ءۇشىن ءوز قۇندىلىقتارىمىزعا ءتان قۇرىلىستىڭ جاڭا ارناسىن باستاۋ. ورتالىق جاڭا قازاقستاننىڭ كەلبەتىن كونەنىڭ نەگىزىندە جاڭاشا تۇرلەندىرەتىن جاڭا تولقىن ساۋلەتشىلەرىن شىعاراتىن زەرتحاناعا اينالماق.
«مىڭجىلدىقتار بۇرىن قۇرىلعان ارحيتەكتۋرامىز بار سولاردى تانىستىرۋ. بالبال تاستار، تاڭبالى تاستار، جەراستى پانتەوندارى بار. سولاردىڭ ءبارىن زەرتتەپ، زەردەلەپ جەر ۇستىندەگى ءبىزدىڭ ەسكەرتىشتەردىڭ تۇگەل قايتادان قالپىنا كەلتىرۋ ءۇشىن رەكونسترۋكسياعا، رەستاۆراسياعا ماماندار دايارلاۋىمىز كەرەك. سوندىقتان جەر بەتىندەگى قازاقستانداعى بارلىق ەسكەرتكىشتەرىن الىپ ەنسيكلوپەديا مۇمكىن جاساپ شىعارامىز. سوندىقتان ءوزىمىزدىڭ قانشا تەكتىلىگىمىزدى بىلە بىلسەك سونشالىقتى العا جىلجيمىز دەپ ويلايمىن»، - دەيدى قازاقستاننىڭ ەڭبەك سىڭىرگەن قايراتكەرى، ەلتاڭبا اۆتورى، ساۋلەتشى جانداربەك مالىبەك ۇلى.
«ءبىزدىڭ دە تاريحىمىزدا قالا مادەنيەتى، تاماشا-تاماشا قالالارىمىز بولعان. ونىڭ تاماشا ارحيتەكتۋراسى بولعان. ونىڭ ءبارى ءۇزىلىپ قالدى. سونى جالعاستىرۋ ماقساتىندا وسى اعامىز – جانداربەك مالىبەكوۆتىڭ لابوراتورياسى ۇلكەن قىزمەت اتقارادى دەگەن ويدامىن. ويتكەنى ءبىزدىڭ استانامىزعا جالپى قازاقستاننىڭ قالالارىنا ۇلتتىق ناقىشتاعى ارحيتەكتۋرا كەرەك. بۇل عىلىم-پراكتيكالىق ورتالىق. وسى جەردە بولاشاق ارحيتەكتورلار، اسىرەسە ۇلتتىق ناقىشقا بايلانىستى ءوي-ورىسىن دامىتۋ ماقساتىندا جاستاردى تاربيەلەيتىن ورتالىق بولادى دەگەن ويدامىن»، - دەيدى ل.ن. گۋميليەۆ اتىنداعى ەۇۋ رەكتورى ەرلان سىدىقوۆ.