ەلىمىزدە ۆيرتۋالدى ۇيالى بايلانىس وپەراتورىن ەنگىزۋ قاراستىرىلىپ جاتىر.
بۇل نورما ءماجىلىستىڭ جالپى وتىرىسىندا تالقىلانعان زاڭ جوباسىندا ەسكەرىلگەن، دەپ حابارلايدى اlmaty-akshamy.kz.
ۆيرتۋالدى بايلانىس وپەراتورلارى – بايلانىس قىزمەتتەرىنىڭ اگرەگاتورلارى.
ءماجىلىس دەپۋتاتى ەكاتەرينا سمىشليايەۆا ءقازىر ۆيرتۋالدى بايلانىس وپەراتورىن پايدالانۋ بويىنشا حالىقارالىق تاجىريبە قالىپتاسقان. ولار ءقازىر جۇمىس ىستەپ تۇرعان بايلانىس وپەراتورلارىنان ترافيكتى جالعا الادى.
«وسىنىڭ ەرەكشەلىگىنە توقتالساق، ولار وپەراتورلاردىڭ شەكتەۋسىز سانىمەن كەلىسىمشارت جاساي الادى، ياعني بارلىق وپەراتورمەن شارت بەكىتۋ مۇمكىندىگى بولادى. سوندىقتان ونىڭ امبەباپ SIM-كارتاسى جاقىن تۇرعان كەز كەلگەن انتەننادان بايلانىس سيگنالىن الادى»، - دەدى دەپۋتات.
مۇنداي كارتالارعا ارنالعان تاريفتەر ءبىرشاما قىمباتىراق بولادى، سونداي-اق بۇكىل ەل بويىنشا ۇزدىكسىز بايلانىسقا مۇمكىندىك جاسالادى.