ەلىمىزدە ۇلتتىق سپورتقا دەن قويعاندار سانى ارتقان

سوڭعى 3 جىلدا ۇلتتىق سپورت تۇرلەرىمەن جۇيەلى تۇردە اينالىساتىن قازاقستاندىقتاردىڭ سانى 35% وسكەن. 

ەگەر 2020 جىلى 432 مىڭ ادام ۇلتتىق سپورت تۇرلەرىمەن اينالىسسا، 2022 جىلدىڭ سوڭىندا بۇل سان 584 مىڭ ادامعا جەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.

ەڭ ۇلكەن كورسەتكىش تۇركىستان وبلىسىندا تىركەلدى - 28 مىڭ ادام. وڭىردە بارلىعى 110 مىڭنان استام ادام ۇلتتىق سپورت تۇرلەرىمەن اينالىسادى.

بىردەن بىرنەشە وبلىستا سپورتشىلار سانى 10 مىڭعا ءوستى.

بۇل - قوستاناي (13 مىڭنان 23 مىڭعا دەيىن)، قىزىلوردا (20 مىڭنان 30 مىڭعا دەيىن)، پاۆلودار (17 مىڭنان 27 مىڭعا دەيىن)، سولتۇستىك قازاقستان (8 مىڭنان 18 مىڭعا دەيىن) وبلىستارى جانە شىمكەنت قالاسى (10 مىڭنان 20 مىڭعا دەيىن).

ۇلتتىق سپورتپەن اينالىساتىندار سانى بويىنشا كوشباسشىلار ۇشتىگىنە جامبىل (40 مىڭ ادام) جانە الماتى (39 مىڭ) وبلىستارى كىرەدى.

قازاقستان ۇلتتىق قۇراماسىندا سپورتشىلار سانى بويىنشا تۇركىستان (74 ادام)، جامبىل (52 ادام) وبلىستارى جانە استانا قالاسى (43 ادام) كوش باستاپ تۇر.

«ۇلتتىق سپورت تۇرلەرى تانىمالدىلىعىنىڭ ارتۋى — مادەنيەت جانە سپورت مينيسترلىگىنىڭ ۇلتتىق سپورتتى دامىتۋ باعىتىنداعى جۇيەلى جۇمىسىنىڭ ناتيجەسى. ارينە، بۇل ءىرى حالىقارالىق تۋرنيرلەردى وتكىزۋ عانا ەمەس. مىسالى، قاجەت ينفراقۇرىلىم قۇرىلىسى ءجۇرىپ جاتىر، ەلىمىزدە 16،5 مىڭنان استام جاڭا ۇيىرمە اشىلدى، قولدانىستاعى جارىستاردىڭ فورماتى وزگەرىپ جاتىر»،-دەيدى مادەنيەت جانە سپورت ۆيسە-مينيسترى سارسەن قۇرانبەك.