بۇل تۋرالى «جاستاردى اسكەري-پاتريوتتىق تاربيەلەۋ بويىنشا شارالار كەشەنىن جۇزەگە اسىرۋ» جوباسىنىڭ ۇيلەستىرۋشىسى شىرىن تلەنچييەۆا بريفينگ بارىسىندا ايتتى.
ونىڭ ايتۋىنشا، ناۋرىزدان باستاپ الماتى ستۋدەنتتەر اليانسى كوروپوراتيۆتىك قورى ازاماتتىق باستامالاردى قولداۋ ورتالىعى كوممەرسيالىق ەمەس اق-نىڭ گرانتتىق قارجىلاندىرۋى اياسىندا «جاستاردى اسكەري-پارتيوتتىق باعىتتا تاربيەلەۋ بويىنشا شارالار كەشەنىن جۇزەگە اسىرۋ» اتتى جوبانى قولعا العان، دەپ حابارلايدى Almaty-akshamy.kz Elorda.info-عا سىلتەمە جاساپ.
"بۇل جوبانىڭ باستى ماقساتى – جاستاردىڭ ءوزىن-وزى تانۋىنا، سونىمەن قاتار ۇلتتىق رۇحاني بايلىعىن جەتىلدىرۋگە جانە ۇلتتىق بولمىستى جاستار بويىنا سىڭىرۋگە، اسكەري-پاتريوتتىق باعىتتى ناسيحاتتاۋعا ارنالعان"، – دەدى ول.
سونىمەن قاتار ول گرانتتىق باعدارلاما اياسىندا تۇڭعىش رەت اسكەري-پاتريوتتىق باعىتتا جۇمىس ىستەيتىن اسكەري كلۋبتار مەن قوعامدىق بىرلەستىكتەرگە ارنالعان شاعىن گرانتتار ۇسىنىلاتىنىن جەتكىزدى.
"وسى باعىتتا جۇمىس ىستەيتىن ۇەۇ مەن كلۋبتار ىشىنەن ون ۇيىمدى بايقاۋ ارقىلى ىرىكتەپ الىپ، شاعىن گرانتتاردى ۇسىنامىز. 7 مامىرعا وراي جاستار اراسىندا، ياعني Tik Tok-تا مەنىڭ اسكەري وبرازىم نەمەسە مەنىڭ اسكەري دايىندىعىم دەگەن تاقىرىپتا ارنايى چەللەندجدى باستاۋدى كوزدەپ وتىرمىز. وعان قوسا مەتەپتەردە اسكەري دايىندىق ءپانىنىڭ مۇعالىمدەرىمەن بىرگە وقىتۋ جۇمىستارىن دا جۇرگىزەمىز. ول كىسىلەرگە ادىستەمەلىك قۇرالدار دايىندالادى"،– دەدى شىرىن تلەنچييەۆا.
سونداي-اق ول اتالعان جوباعا قوعامدىق ومىردەن تىس قالعان ازاماتتاردى تارتۋ ارقىلى اسكەري باعىتقا مورالدىق جاعىنان دايىن جاستاردى دايىنداپ شىعارعىلارى كەلەتىنىن جەتكىزدى.