بۇل تۋرالى توتەنشە جاعدايلار مينيسترلىگىنىڭ سايتىندا ءمالىم بولدى.
مەملەكەت باسشىسىنىڭ تجم وكىلەتتىكتەرىن بەرۋگە قاتىستى تاپسىرماسىنا سايكەس ورتالىق جانە جەرگىلىكتى اتقارۋشى ورگاندارعا قاتىستى باقىلاۋدى جۇزەگە اسىرۋ بولىگىندە تابيعي جانە تەحنوگەندىك اپاتتاردىڭ الدىن الۋ ماسەلەلەرى بويىنشا باقىلاۋ فۋنكسيالارى بار جەكە ۆەدومستۆو قۇرىلادى، دەپ حابارلايدى Almaty-akshamy.kz.
قازىرگى ۋاقىتتا «قازاقستان رەسپۋبليكاسى توتەنشە جاعدايلار مينيسترلىگىنىڭ توتەنشە جاعدايلاردىڭ الدىن الۋ كوميتەتى» رەسپۋبليكالىق مەملەكەتتىك مەكەمەسىن قۇرۋدى كوزدەيتىن «قازاقستان رەسپۋبليكاسى توتەنشە جاعدايلار مينيسترلىگىنىڭ كەيبىر ماسەلەلەرى تۋرالى» ۇكىمەت قاۋلىسىنىڭ جوباسى ازىرلەندى.
«قۇقىقتىق اكتىلەر تۋرالى» زاڭنىڭ 18-بابىنا سايكەس بۇل جوبا اشىق نورماتيۆتىك قۇقىقتىق اكتىلەردىڭ ينتەرنەت-پورتالىندا جاريا تالقىلاۋ ءۇشىن ورنالاستىرىلعان.
جوبانى ىسكە اسىرۋ قۇرىلعان ۆەدومستۆوعا ورتالىق جانە جەرگىلىكتى اتقارۋشى ورگاندارعا قاتىستى تابيعي جانە تەحنوگەندىك سيپاتتاعى توتەنشە جاعدايلاردىڭ الدىن الۋ ماسەلەلەرىندە باقىلاۋدى جۇزەگە اسىرۋعا مۇمكىندىك بەرەدى.