ەلىمىزدە سۋارمالى ەگىنشىلىكتى دامىتۋدىڭ دەڭگەيى تومەن

سەناتور رىسقالي ابدىكەروۆ ۇكىمەت باسشىسىنا ساۋال جولداپ، سالاداعى پروبلەمالاردى ءتىزىپ شىقتى.

دەپۋتاتتىڭ ايتۋىنشا، وتكەن عاسىردىڭ 90-شى جىلدارى الەمدە بالاماسى بولماعان قانىش ساتپايەۆ اتىنداعى كانال اۋماعىنداعى سۋارمالى ەگىستىك القابى 80 مىڭ گەكتار بولعان، دەپ حابارلايدى Almaty-akshamy.kz. 

ءقازىر ونىڭ تەك 13 مىڭ گەكتارى عانا قالعان. قولدا بار مۇمكىندىكتىڭ 10 پايىزىن عانا كادەگە جاراتىپ وتىرمىز. ەلدىڭ وڭتۇستىگىندە شارۋالار سۋعا ءزارۋ. ال ورتالىق ايماقتاردا تىرشىلىك ءنارى بار، ءبىراق تولىق پايدالانباي وتىرمىز - دەدى سەناتور. ول قانىش ساتپايەۆ اتىنداعى كانالدىڭ قۋاتىن تولىق پايدالانۋدى جانە قاراعاندى وبلىسىنداعى سۋارمالى جەرلەردى قالپىنا كەلتىرۋدى ۇسىندى.

«شاعىن فەرمەرلەرگە سۋ ۇنەمدەۋ تەحنولوگيالارىن ساتىپ الۋعا جانە قۇرىلىسقا بەرىلەتىن سۋبسيديا كولەمىن 50 پايىزدىڭ ورنىنا 80 پايىزعا دەيىن ۇلعايتۋدى، جەمىس-كوكونىس ونىمدەرىن ساقتايتىن ارنايى قويما سالۋعا كاسىپكەرلەردى ىنتالاندىرۋ ءۇشىن ينۆەستيسيالىق سۋبسيديا مەن جەڭىلدەتىلگەن نەسيە بەرۋدى، سۋ ماماندارىنا ەرەكشە ەڭبەك جاعدايىن جاساپ، اۋىلدىق جەردە جۇمىس ىستەگەنى ءۇشىن قوسىمشا ۇستەمەاقىلار قاراستىرۋدى، سونداي-اق ولاردىڭ دايىندىعى مەن تاجىريبەلەرىن ارتتىرۋدى سۇرايمىن»،  - دەيدى ق ر پارلامەنتى سەناتىنىڭ دەپۋتاتى رىسقالي ابدىكەروۆ.