ەلىمىزدە ستاتيستيكا سالاسى قاعازباستىلىقتان قۇتىلادى

ستاتيستيكانى جيناۋ مەملەكەتتىك دەرەكقورلارعا كوشىپ جاتىر.

بۇل تۋرالى ۇلتتىق ستاتيستيكا بيۋروسى باسشىسىنىڭ ورىنباسارى جاننات دۋبيروۆا ءمالىم ەتتى، دەپ حابارلايدى Almaty-akshamy.kz  

«ەندى قاعازبەن ەسەپ بەرۋ ازايادى. سونىمەن قاتار ستاتيستيكا جوعارى ساپالى جانە ءارى سەنىمدى بولادى. بۇگىندە ستاتيستيكانى اۋداندار كەيبىر وڭىرلەر دەڭگەيىندە ەگجەي-تەگجەيلى كورسەتۋدە كەرى بايلانىس بار. ءبىز مۇنى ساندىق ستاتيستيكالىق رەگيسترگە ءوتۋ ارقىلى جاسايمىز. دەرەكتەردى جيناۋ – وتە كۇردەلى پروسەسس. وتكەن جىلى 145 نىسان بويىنشا دەرەكتەر جينالدى. زاڭدى تۇلعالار مەن جەكە كاسىپكەرلەر بارلىق ەسەپتى قاعاز تۇرىندە تاپسىرۋى ءتيىس بولدى. مۇنىڭ ءبارى كوپ ەڭبەك پەن ۋاقىتتى قاجەت ەتتى»، - دەدى جاننات دۋبيروۆا استانادا ءوتىپ جاتقان DEMO DAY ءىس-شاراسى بارىسىندا. 

ونىڭ ايتۋىنشا، ءقازىر ستاتيستيكا جيناۋ مەملەكەتتىك دەرەكقورلارعا كوشىپ جاتىر. 

«مىسالى، ۆەتەرينارلار جانۋارلار تۋرالى مالىمەتتەردى جۇيەلى تۇردە تولتىرادى. بۇرىن ءبىز بۇل اقپاراتتى اۋدان اكىمدەرىنەن قولمەن جينايتىنبىز. دەرەكتەردىڭ دۋبلياجى بولدى. ەندى ءبىز ودان الىستاپ، اكىمشىلىك دەرەككوزدەرگە كوشەمىز. ءبىراق بۇل ءۇشىن ءبىز مەملەكەتتىك دەرەكتەر بازاسىنداعى دەرەكتىڭ ساپاسى وتە جوعارى دەڭگەيدە ەكەندىگىنە كوز جەتكىزۋىمىز كەرەك. سوندىقتان ءبىز داتا-باقىلاۋشىلار ينستيتۋتىن ىسكە قوستىق، ءقازىر مەملەكەتتىك ورگاندارمەن جۇمىس ىستەپ جاتىرمىز»، - دەيدى ول.