قوعامدا زاڭ ۇستەمدىگى بەرىك ورنىعىپ، سوت تورەلىگى ءادىل اتقارىلۋى قاجەت - پرەزيدەنت
بۇل تۋرالى مەملەكەت باسشىسى ءوزىنىڭ قازاقستان حالقىنا ارناعان كەزەكتى جولداۋىندا ايتتى، دەپ حابارلايدى Almaty-akshamy.kz.
«وسىعان وراي، قازىلار قاۋىمىن شۇعىل تۇردە قايتا ىرىكتەپ، جاڭارتىپ جاساقتاۋ كەرەك.
قازىلار جوعارى بىلىكتى، ادال، سونداي-اق، جەمقورلىقتان تازا بولۋى قاجەت. ەڭ الدىمەن، بارلىق سۋديالاردىڭ مارتەبەسىن تەڭەستىرگەن ءجون. ولار وزىنەن جوعارى تۇرعان ارىپتەستەرىنە تاۋەلدى بولماۋى كەرەك.
كوپتەگەن سوت ءتوراعاسى لاۋازىمى سۋديا لاۋازىمى بولىپ وزگەرەدى. سوت ءتوراعاسى جانە سوت القاسىنىڭ ءتوراعاسى لاۋازىمىنا ۇمىتكەردى سۋديالار وزدەرى سايلايتىن ءتاسىل ەنگىزۋدى ۇسىنامىن.
جوعارعى سوت سۋديالارىن دا سايلاۋ ارقىلى تاڭداۋ ءتاسىلىن ەنگىزگەن ءجون. ول ءۇشىن پرەزيدەنت ۇمىتكەرلەردى بالامالى نەگىزدە سەناتقا ۇسىنۋى كەرەك.
اتالعان سالاعا مىقتى زاڭگەرلەردى تارتۋ ءۇشىن ماتەريالدىق جاعداي جاساۋ قاجەت»، - دەدى ق ر پرەزيدەنتى قاسىم-جومارت توقايەۆ.