عالىمداردىڭ ازايۋىنا نە سەبەپ؟
اشىق نقا پورتالىندا جاريالانعان قازاقستان رەسپۋبليكاسىندا جوعارى ءبىلىمدى جانە عىلىمدى دامىتۋدىڭ 2023-2029 جىلدارعا ارنالعان تۇجىرىمداماسىن بەكىتۋ تۋرالى قاۋلى جوباسىندا ەلدە عالىمداردىڭ ازايعانى ايتىلعان، دەپ حابارلايدى
«سوڭعى 30 جىلدا عالىمدار سانى ەكى ەسە قىسقارعان. 1991 جىلى 40،8 مىڭ ادامنان 2021 جىلى 22،6 مىڭ ادامعا دەيىن ازايعان. عالىمدار ەڭبەكاقىسىنىڭ تۇراقسىز ءارى تومەن دەڭگەيى – كادرلىق جانە عىلىمي الەۋەتتىڭ نەگىزگى پروبلەمالارىنىڭ ءبىرى. وسىنىڭ سالدارىنان عىلىم سالاسى تارتىمدىلىعىنىڭ تومەن بولۋ ءۇردىسى ساقتالىپ وتىر. ماسەلەن، 2021 جىلى عالىمداردىڭ ورتاشا جالاقىسى 187،7 مىڭ تەڭگەنى قۇرادى. بۇل قازاقستانداعى ورتاشا جالاقىنىڭ 75%-ىنا تەڭ»، - دەپ جازىلعان قاۋلى جوباسىندا.
عالىمدار سانىنىڭ قىسقارۋىنا تۇراقسىزدىقپەن ماردىمسىز جالاقى اسەر ەتكەن.
«ماسەلەن، سوڭعى جىلدارى عىلىمعا جاستاردىڭ اعىمى عزتكج جۇمىس ىستەيتىن پەرسونالدىڭ جالپى سانىنان 11%-دان 7%-عا دەيىن ازايعان. مۇنداي الماستىرۋ ديناميكاسى كادرلىق عىلىمي الەۋەتتى جاڭعىرتۋ ءۇشىن جەتكىلىكسىز، سوندىقتان كادرلاردىڭ «قارتايۋى» ماسەلەسى ءالى دە وزەكتى»، - دەپ جازىلعان جوبادا.
وكىنىشكە قاراي، قولدانبالى عىلىمي-تەحنيكالىق ازىرلەمەلەر مەن ولاردى ىسكە اسىراتىن عالىمدار سانىنىڭ وسۋىنە ىقپال ەتەتىن تاجىريبەلىك-كونسترۋكتورلىق ازىرلەمەلەردى ىسكە اسىرۋعا گرانتتار جوق جانە تەحنيكالىق باعىتتار بويىنشا ماماندار تاپشى. سوندىقتان ءقازىر تەحنيكالىق باعىتتار بويىنشا كادرلار دايارلاۋعا باسا نازار اۋدارىلىپ، تەحنيكالىق جانە IT باعىتتارعا گرانتتاردى 40%-دان 60%-عا دەيىن ۇلعايتۋ بويىنشا شارالار قابىلدانىپ جاتىر.