ەلىمىزدە سيىر ەتىن وڭدەيتىن زاماناۋي كەشەن سالىنباق

ول جوبا جۇزەگە اسسا، قازاقستاننىڭ اۋىل شارۋاشىلىعىندا ون مىڭداعان جاڭا جۇمىس ورنى اشىلادى.

ق ر پرەمەر-مينيسترى اسقار مامين Tyson Foods حالىقارالىق بيزنەس جونىندەگى پرەزيدەنتى كريستوفەر لانگحولسپەن كەزدەسۋ وتكىزدى، دەپ حابارلايدى Almaty-akshamy.kz رrimeminister.kz  سايتىنا سىلتەمە جاساپ.

كەزدەسۋدە قازاقستاندا زاماناۋي اگرو-مۋلتيپروتەين يندۋسترياسىن دامىتۋ ماسەلەلەرى تالقىلاندى. ق ر پرەمەر-مينيسترى اسقار ءماميننىڭ اقش-قا ساپارى بارىسىندا 2019 جىلعى جەلتوقساندا قول قويىلعان كەلىسىمگە سايكەس، Tyson Foods قازاقستاندىق Kusto Group كومپانياسىمەن بىرلەسىپ، قازاقستاندا سيىر ەتى ءوندىرىسىنىڭ تولىق سيكلىن اشۋدى جوسپارلاپ وتىر.

وسىلايشا، ءبىرىنشى كەزەڭدە قر-دا ونىمدىلىگى تاۋلىگىنە كەمىندە 2 مىڭ باستى قۇرايتىن ەت وڭدەيتىن زاماناۋي كەشەن سالۋ كوزدەلگەن. كاسىپورىن قازاقستاندىق نارىقتىڭ قاجەتتىلىكتەرىن قامتاماسىز ەتىپ قانا قويماي، سونىمەن قاتار ءونىمدى شەتەل نارىقتارىنا دا ەكسپورتتايتىن بولادى.

جوبانى ىسكە اسىرۋ ەت يندۋسترياسىن جانە اوك-تىڭ باسقا دا ىرگەلەس سالالارىن – ۆەتەريناريانى، اگرارلىق ماشينا جاساۋدى، جەمشوپ داقىلدارىن ءوسىرۋدى، بورداقىلاۋ الاڭدارىن قۇرۋدى جانە ت.ب. دامىتۋدى ىنتالاندىراتىن بولادى. قازاقستاننىڭ اۋىل شارۋاشىلىعىندا ون مىڭداعان جاڭا جۇمىس ورنى اشىلادى.

وندىرىستىك سيكل امەريكالىق «ەكستەنشن» قىزمەتىنىڭ مودەلى بويىنشا قازاقستاندىق فەرمەرلەرگە اقپاراتتىق-كەڭەستىك قىزمەت كورسەتۋمەن سۇيەمەلدەنەتىن بولادى، بۇل كەڭەس بەرۋدى، جەرگىلىكتى جەرلەردە كادرلاردىڭ بىلىكتىلىگىن ارتتىرۋدى جانە كاسىپتىك-تەحنيكالىق وقىتۋدى قامتيدى.

Tyson Foods كومپانياسىنىڭ نەگىزى 1935 جىلى قالانعان، كومپانيا اينالىمى $43،1 ملرد قۇرايدى، قىزمەتكەرلەر سانى – 139 مىڭ ادام.